ދޮޅު ލައްކަ ރުފިޔާގެ އިނާމު ހިމެނޭ ދިރާގު މޯލްޑިވްސް ގޭމިން ކޮންކުއެސްޓް މި އަހަރު ވެސް ބާއްވަނީ

ދިރާގު ގޭމާސް ގިލްޑް (ޑީޖީޖީ) އިން އިންތިޒާމުކޮށްގެން ކުރިއަށް ގެންދާ ދިރާގު މޯލްޑިވްސް ގޭމިންގ ކޮންކުއެސްޓް (ޑީއެމްޖީސީ) މި އަހަރު ބާއްވާނެ ކަމަށާއި ރަޖިސްޓްރީވުމުގެ ފުރުސަތު ހުޅުވައިލާނެ ކަމަށް ދިރާގުން އިއުލާނުކޮށްފިއެވެ.

ރާއްޖޭގެ ގޭމިންގ ދާއިރާގައި ބާއްވާ އެންމެ ފާހަގަކޮށްލެވޭ މި މުބާރާތުގެ ކޮލިފައިންގައި ރާއްޖޭގެ ކޮންމެ ހިސާބެއްގައި ހުރި ކުޅުންތެރިއަކަށް ވެސް އެއްވެސް ފީއަކާ ނުލައި ބައިވެރިވެވޭނެ ކަމަށް ދިރާގުން ބުނެފައިވެއެވެ.

މި ފަހަރުގެ މުބާރާތުގައި ޖުމްލަ 150,000 ރުފިޔާގެ ފައިސާގެ އިނާމު ހުށަހެޅިފައިވާ ކަމަށް ވެސް އެ ކުންފުނިން ބުނެފައިވެއެވެ.

މޮބައިލް ޕީސީ އަދި ކޮންސޯލް ޕްލެޓްފޯމްތައް ހިމެނޭ ގޮތަށް މި މުބާރާތުގައި ވާދަކުރެވޭ ގޭމްތަކުގެ ތެރޭގައި މޮބައިލް ލެޖެންޑްސް: ބޭންގ ބޭންގ ޕަބްޖީ މޮބައިލް ރޮކެޓް ލީގް އެފްސީ 26 އަދި ޓެކެން 8 ހިމެނެއެވެ. ދިރާގުން ބުނީ ވާދަވެރި މާހައުލެއްގައި ކުޅުންތެރިންނަށް ހުނަރު ދައްކައިލުމުގެ ފުރުސަތު މި މުބާރާތުން ފަހިވެގެންދާނެ ކަމަށެވެ.

ފާއިތުވި އަހަރުގެ މުބާރާތުގައި ރާއްޖޭގެ އެކި ކަންކޮޅުތަކުން 1,500 އަށް ވުރެ ގިނަ ކުޅުންތެރިން ބައިވެރިވެފައިވާ ކަމަށް ދިރާގުން ބުނެފައިވެއެވެ. ރާއްޖޭގެ އެންމެ ބޮޑު ގޭމިންގ ޕްލެޓްފޯމް ކަމަށްވާ ޑީޖީޖީން ދަނީ ރާއްޖޭގައި އީ ސްޕޯޓްސް އާއި ގޭމިންގ ކޮމިއުނިޓީ ކުރިއެރުވުމަށް ގިނަ މަސައްކަތްތަކެއް ކުރަމުންނެވެ.