ރައްޔިތުންގެ މަޖިލީހުގެ ރައީސް އާއި ނައިބް ރައީސް އިންނަވާ ކޮޓަރި ބަގް ކުރަން އުޅުނުކަމުގެ މައްސަލައެއް ފެންމަތިވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާ ފައްޓަވަމުން ރައީސް މުޙައްމަދު ނަޝީދު ވިދާޅުވީ، މަޖިލީހުގައި ދައްކާ ވާހަކަތައް އަޑުއެހުމުގެ ބޭނުމުގައި "ބަގް" ކުރުމަށް ބޭނުންކުރާ އަލާމާތްތަކެއް ހަރުކުރުމަށް އުޅުނު ކަމުގެ މައްސަލައެއް ފެންމަތިވެފައިވާ ކަމަށެވެ.
އެގޮތުން އެ ކޮޓަރިތައް ބަގް ކުރުމަށް މަޖިލީހުގައި މަސައްކަތްކުރާ މުވައްޒަފަކާ ފުލުހަކާއި ވާހަކަދެކެވި، މަޖިލީހުގެ މުވައްޒަފު އެކަން ސާޖަންޓް އޮފް އާމްސްގެ ސަމާލުކަމަށް އެކަން ގެނެސްފައިވާކަން ނަޝީދު ފާހަގަކުރެއްވިއެވެ.
ނަމަވެސް އެ މައްސަލަ ފުލުހުންނަށް ހުށައެޅުމުގެ ވިސްނުމެއް ނެތްކަމަށް އެމަނިކުފާނު ވިދާޅުވިއެވެ
އެ މައްސަލަ އިތުރަށް ބެލުމަށް މަޖިލީހުގެ ސަލާމަތްތަކާއި ގުޅޭ ކޮމިޓީއަށް މިހާރުވަނީ ފޮނުވައިފައެވެ.
Advertisement
This content is created and paid for by advertisers and does not involve Voice Journalists
