ހުސްވި ޖޫންމަހުގެ ނިޔަލަށް އަވައްޓެރި ސްރީލަންކާއަށް 1,168,044 ފަތުރުވެރިން ޒިޔާރަތްކުށްފިއެވެ.
ސްރީލަންކާގެ ޓޫރިޒަމް ޑިވެލޮޕްމަންޓް އޮތޯރިޓީން އާއްމުކުރި ތަފާސްހިސާބުތައް ދައްކާގޮތުން ހުސްވި ޖޫންމަހު އެކަނިވެސް އެޤައުމަށް ވަނީ 138,241 ފަތުރުވެރިން ޒިޔާރަތްކޮށްފައެވެ. ތަފާސްހިސާބުތައް ދައްކާގޮތުން އަހަރުގެ މިހާތަނަށް އާއިރުވެސް ލަންކާއަށް އެންމެގިނަ ފަތުރުވެރިން ޒިޔާރަތްކުރަނީ އިންޑިއާއިންނެވެ.
ލަންކާގެ ޓޮފް 5 ސޯސްމާކެޓް:
- އިންޑިއާ: 241,994
- ރަޝިއާ: 112,312
- އިނގިރޭސިވިލާތް: 107,902
- ޖަރުމަނުވިލާތް: 74,576
- ޗައިނާ: 65,787
މި ތަފާސްހިސާބަށް ބަލާއިރު، އަހަރުގެ މިހާތަނަށް ރާއްޖެއިން ފަތުރުވެރިންގެ ގޮތުގައި ލަންކާއަށް ޒިޔާރަތްކުރި މީހުންގެ އަދަދު އުޅެނީ 16,453 ގައެވެ. ލަންކާ ފާހަގަކުރެވެނީ ފަތުރުވެރިކަމުގައި ރާއްޖެއާ ވާދަވެރި މާކެޓެއްގެ ގޮތުގައެވެ. އަވައްޓެރި ސްރީލަންކާއިން ދަނީ އެޤައުމުގެ އިގްތިސާދަށް ދިމާވެފައިވާ ހީނަރުކަމުން އަރައިގަނެ، މައިގަނޑު ސިނާއަތްތައް ކުރިއެރުވުމަށް ބޮޑެތި މަސައްކަތްތަކެއް ކުރަމުންނެވެ. އެގޮތުން ލަންކާގެ ޓޫރިޒަމް މިނިސްޓްރީން ވަނީ ޓޫރިޒަމް ކުރިއެރުވުމަށް މިދިޔަ ޖޫންމަހުގެ 26 ވަނަ ދުވަހު ގައުމީ ކެމްޕެއިނެއްވެސް ފަށާފައެވެ.
އެގޮތުން ލަންކާއިން ވަނީ މެރައިން ޓޫރިޒަމް ފުޅާކުރުމަށް ހާއްސަ ކަންތައްތަކެއް ފެށުމަށް ނިންމާފައެވެ. ރާއްޖެއެކޭ އެއްގޮތަށް ސްރީލަންކާއަކީވެސް ވަށައިގެން ކަނޑު އޮންނަ ޤައުމެކެވެ. ސްރީލަންކާގެ ކަނޑުގެ ސަރަހައްދުތަކަށް 167 ގިނަ އުޅަނދު ފެތިފައިވާއިރު ލަންކާ ޓޫރިޒަމް މިނިސްޓްރީން ނިންމާފައިވަނީ އެތަންތަން ފާހަގަކޮށް ޑައިވް ޕޮއިންޓްތަކެއްގެ ގޮތުގައި އިސްތިހާރުކުރުމަށެވެ. މިއީ ޓޫރިސްޓުން ޝައުގުވެރިވާނޭ އަދި މުސްތަގްބަލް އޮތް ވިޔަފާރިއަކަށްވާނޭކަމަށް ލަންކާ ޓޫރިޒަމުން ފާހަގަކުރެއެވެ.
Advertisement
This content is created and paid for by advertisers and does not involve Voice Journalists
