ރައީސް މައުމޫނަކީ ފިތްކަނޑައިގެންދާވަރުގެ އަނިޔާވެރި ވެރިކަމެއް ކުރެއްވި ބޭފުޅެއް: ރައީސް ނަޝީދު
ކުރީގެ ރައީސް އަލްއުސްތާޛު މައުމޫން އަބްދުލްޤައްޔޫމަކީ ފިތްކަނޑައިގެންދާވަރުގެ އަނިޔާވެެރި ވެރިކަމެއް ކުރެއްވި ބޭފުޅެއް ކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ "އާސްކް ސްޕީކަރ" ޕްރޮގްރާމްގައި ބައިވެވަޑައިގެންނެވި ބެލުންތެރިއަކު ކުރީޣެ ރައީސް ޔާމީން ޖަލުން މިނިވަން ކުރުމާއި ބެހޭގޮތުން ކުރެއްވި ސުވާލަށް ޖަވާބު ދެއްވަމުންނެވެ.
ނަޝީދު ވިދާޅުވީ ކުރީ ވެރިކަން ކުރެއްވި ރައީސުންނާއި މެދު އެގޮތަށް ކަންތައްކުރަން ރާއްޖޭގެ ރައްޔިތުން ބޭނުން ނުވާ ކަމަށާއި، އެގޮތުން ރައީސް ޔާމީން ޖަލުގައި ހުންނެވުމުން ކަންބޮޑުވެވަޑައިގަންނަވާ ކަމަށެވެ.
ނަޝީދު ވިދާޅުވީ، އެމަނިކުފާނުގެ ވެރިކަމުގައި ރައީސް މައުމޫން ޖަލަށް ނުލެއްވީ އެމަނިކުފާނު ކަމެއް ނުކުރައްވާތީ ނޫން ކަމަށާއި، މައުމޫނަކީ 30 އަހަރު ރާއްޖެއަށް ޚިދުމަތްކުރެއްވި، ދިވެހިން ފިތްކަނޑައިގެންދާ ވަރުގެ އަނިޔާވެރި ވެރިކަމެއް ކުރެއްވި ބޭފުޅެއް ކަމަށެވެ.
"އަޅުގަނޑު އެކަން ބެލީ ތާރީހުގެ ފަށްފުށަށް ގެންދެވި، އަޅުގަނޑުމެންނަށް ހެޔޮ ގޮތުގައި ދިވެހިންނަށް ވެރިކަން ކުރަމުން ދެވޭނެ ގޮތެއް ހޯދުން" މައުމޫން ޖަލަށް ނުލެއްވި ސަބަބާއި ގުޅޭގޮތުން ނަޝީދު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
