ދިވެހިރާއްޖެއިން ބޭރުގައި ދިރިއުޅެމުންދާ ދިވެހިންނަށް ތުރާކުރަމުންދާކަމަށް ވިދާޅުވެ، ބީއެމްއެލްއަށް ހަމަަލާ ދިނުމަށް މާލޭގެ ގޭންގްތަކަށް ރައީސުލްޖުމްހޫރިއްޔާގެ އޮފީހުގެ ކުރީގެ ޕްރެސް ސެކްރެޓަރީ މުހައްމަދު ޒުހައިރު ގޮވާލައްވައިފިއެވެ.
ކުރީގެ ރައީސް މުހައްމަދު ނަޝީދުގެ ދައުރުގައި ރައީސް އޮފީހުގެ ޕްރެސް ސެކްރެޓަރީގެ މަގާމު އަދާކުރެއްވި ޒުހައިރު މިފަދައިން ވިދާޅުވީ ކުރެއްވި ޓްވީޓެއްގައެވެ.
ޒުހައިރު ވިދާޅުވީ ފައިސާ ނެގޭނެ އަދަދުތައް މަދުކޮށް، ރާއްޖެއިން ބޭރުގައި ދިރިއުޅޭ ދިވެހިންނަށް އުނދަގޫވާނެގޮތަށް އަމަލުކުރަމުންދާ ބީއެމްއެލް އަދި ސަރުކާރުގެ ފަރާތްތައް ބަލިކުރުމަށް އެދިވަޑައިގަންނަވާ ކަމަށެވެ. އަދި މިކަމާއި ގުޅިގެން އެމްޑީޕީ އަދި އިދިކޮޅު ޕްރޮގްރެސިވް-ކޮންގްރެސް ކޯލިޝަނަށްވެސް އެޕީލްކުރައްވާފައިވާނެކަމަށް ވިދާޅުވިއެވެ.
އެބޭފުޅާ އިތުރަށް ވަނީ ގޭންގްތަކުން ބީއެމްއެލްއަށް ކުއްލި ހަމަލާ ދިނުމަށްވެސް ގޮވާލައްވާފައެވެ.
"ހަމަކަށަވަރުންވެސް މިހާރު އެއީ ދުޝްމަނުން"، ޒުހައިރު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
