އެމްއެންޔޫއިން ޑރ.ޢިޔާޒް ސަސްޕެންޑްކޮށްފި
މޯލްޑިވްސް ނޭޝަނަލް ޔުނިވަރސިޓީގެ އެސިސްޓެންޓް ޕްރޮފެސަރެއްގެ މަގާމުގައި ހުންނެވި މަޝްހޫރު ދީނީ ޢިލްމުވެރިޔާ ޑރ.މުޙައްމަދު ޢިޔާޒް ޢަބްދުއްލަޠީފް އެމަޤާމުން ސަސްޕެންޑްކޮށްފިއެވެ.
އިއްޔެއިން ފެށިގެން 14 ދުވަހުގެ މުއްދަތަކަށް ޑރ.ޢިޔާޒް ސަސްޕެންޑްކުރިކަން އެބޭފުޅާއަށް އަންގާފައިވާކަމަށް ބައެއް މީޑިޔާތަކުގައި ޑރ.ޢިޔާޒްއާއި ހަވާލާދީ ވަނީ ރިޕޯޓުކޮށްފައެވެ. ޑރ.ޢިޔާޒް ވަގުތީގޮތުން ސަސްޕެންޑްކޮށްފައިވަނީ އެބޭފުޅާ ކޮށްފައިވާ ޓްވީޓްތަކެއްގެ މައްސަލަ ބަލަމުންދިއުމާއި ގުޅިގެންނެވެ.
ޑރ.ޢިޔާޒްގެ ބައެއް ޓްވީޓްތަކާ ގުޅިގެން އެމްއެންޔޫއިން މީގެކުރިންވެސް ވަނީ އެބޭފުޅާއަށް އިންޒާރުދީފައެވެ.
ފާހަގަކޮށްލެވޭ ގޮތުގައި މިފަހަކަށް އައިސް ޑރ.ޢިޔާޒް ގެންދަވަނީ މިސްކިތްތަކުގައި ގައިދުރުކޮށްގެން ނަމާދުކުރުމުގެ ނިންމުމާއި ދެކޮޅަށް ވަރަށް ބޮޑަށް ޝުޢޫރު ފާޅުކުރައްވަމުންނެވެ. އެގޮތުން އެއީ ސައްޙަގޮތެއް ނޫންކަމަށް އެބޭފުޅާ ދަނީ ވިދާޅުވަމުންނެވެ. މީގެ އިތުރުންވެސް ޑރ.ޢިޔާޒްގެ މީސް މީޑިޔާގައި ކުރައްވާ އެކިއެކި ޕޯސްޓްތަކާ ގުޅިގެން ގިނަބަޔަކު އެބޭފުޅާއަށް ނުރުހުން އަމާޒުކުރެއެވެ.
Advertisement
This content is created and paid for by advertisers and does not involve Voice Journalists