ވޮލީބޯލް އެކަޑަމީ އޮފް މޯލްޑިވްސް އިން ކުރިއަށްގެންދާ ރިސޯޓް ވޮލީ ލީގުގެ ސައުތު މާލެ ލީގު ފައިނަލުގައި މިއަދު ހަވީރު ސަން ސިޔާމް އޮޅުވެލި މޯލްޑިވްސް އާއި އިތާފުށި ވާދަކުރި މެޗު ވާދަވެރި ކުޅުމަކަށްފަހު 3-2 ގެ ނަތީޖާއަކުން ކާމިޔާބުކޮށް އޮލުވެލިން މުބާރާތުގެ ޗެންޕިއަންކަން ހޯދައިފިއެވެ.
މުބާރާތުގެ ފައިނަލުން ސަން ސިޔާމް އޮޅުވެލި މޯލްޑިވްސް ޖާގަހޯދީ ގުރޫޕް ސްޓޭޖުގައި ކުޅުނު ދެމެޗުން ވެސް މޮޅުވެ ހަ ޕޮއިންޓާއެކު ލީގުބުރުގެ ދެވަނަ ޓީމުގެ ގޮތުގައެވެ. އަދި އިތާފުށި މުބާރާތުގެ ފައިނަލުން ޖާގަހޯދީ ލީގުބުރުގައި ކުޅުނު ދެެޗުން ހޯދި ދެ ޕޮއިންޓާއެކު ލީގުބުރުގެ ދެވަނަ ޓީމުގެ ގޮތުގައެވެ.އަދި މިދެޓީމު ލީގުބުރުގައި ވާފަކުރި މެޗު ސީދާ ތިން ސެޓުނަ ކާމިޔާބުކުރީއޮޅުވެލިން މެވެ.
ސަން ސިޔާމް އޮޅުވެލި މޯލްޑިވްސްގައި މިއަދު ހަވީރު ކުޅުނު ފައިނަލުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، މެޗުގެ ފުރަތަމަ ސެޓުގައި 23-25 ގެ ނަތީޖާއަކުން ކާމިޔާބުކުރީ އިތާފުށިންނެވެ. ނަމަވެސް ޖެހިގެންއައި ދެ ސެޓް ކާމިޔާބުކޮށް އޮޅުވެލިމޯލްޑިވްސް އިން ވަނީ މެޗުގެ ލީޑުހޯދާފައެވެ.
އެގޮތުން މެޗުގެ ދެވަނަ ސެޓް 10 ޕޮއިންޓްގެ ބޮޑު ލީޑަކާއެކު 15-25 ނަތީޖާއަކުން އޮޅުވެލިން ކާމިޔާބުކުރިއިރު، މެޗުގެ ތިންވަނަ ސެޓް އެޓީމުން ކާމިޔާބުކުރީ ހަތަރު ޕޮއިންޓްގެ ލީޑަކާއެކު 21-25 ގެ ނަތީޖާއަކުންނެވެ.
ނަމަވެސް މެޗު ހަތަރުވަނަ ސެޓް ހަތް ޕޮއިންޓްގެ ލީޑަކާއެކު 25-18 ގެ ނަތީޖާއަކުން ކާމިޔާބުކޮށް އިތާފުށި އިން ވަނީ މެޗުގެ ނަތީޖާ އެއްވަރުކޮށްފައެވެ. އަދި މިއާއެކު މެޗުގެ ނަތީޖާ ނެރުމަށް ކުޅުނު 15 ޕޮއިންޓްގެ ފަސްވަނަ ސެޓް 10-15 ގެ ނަތީޖާއަކުން ކާމިޔާބުކޮށް އޮޅުވެލި މޯލްޑިވްސް އިން ވަނީ ތިން ސެޓް ދެ ސެޓުން މެޗު ކާމިޔާބުކޮށް މުބާރާތުގެ ޗެންޕިއަންކަން ހޯދާފައެވެ.
މުބާރާތުގެ ޓްރީމް ޓީމުގައި ހިމެނުނު ކުޅުންތެރިންނަކީ ސައްދާމް ހުސެއިން (އިތާފުށި، މުހައްމަދު ސޮބާހު (އޮޅުވެލި)، އިބްރާހިމް ޝާން ޝިޔާމް (ކަނޑޫމާ)، މާރިފް އަލީ ނަސީރު (އޮޅުވެލި)، އައި ކޮމަންގް (އޮޅުވެލި), އަބްދުالله ޝާކިރު (އިތާފުށި) އެވެ. އަދި ބެސްޓް ލިބަރޯއަކީ މުހައްމަދު ޔޫސުފް(އިތާފުށި) އެވެ.
މީގެ އިތުރުން މުބާރާތުގެ އެންމެ އުންމީދީ ކުޅުންތެރިޔަކަށް މުހައްމަދު ޖަޒްލާން ހޮވުނު އިރު، މުބާރާތުގެ އެންމެ މޮޅު ކޯޗަކަށް ހޮވުނީ މުހައްމަދު ޝިޔާމު (އޮޅުވެލި މޯލްޑިވްސް) އެވެ. އަދި މުބާރާތުގެ އެންމެ މޮޅު ކުޅުންތެރިޔަކަށް ހޮވުނީ މާރިފް އަލީ ނަސީރު (އޮޅުވެލި މޯލްޑިވްސް) އެވެ.
4 ޖުލައި 2025 އިން 10 ކުލައި 2025 ގެ ނިޔަލަށް ސަން ސިޔާމް އޮޅުވެލި މޯލްޑިވްސްގައި ކުރިއަށްގެންދިޔަ މިމުބާރާތުގައި މިއަހަރު ތިން ޓީމަކުން ބައިވެރިވިއިރު މުބާރާތް ކުރިއަށްދަނީ ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއްމެޗުކުޅެ އެންމެ ރަނގަޅު ނަތީޖައެއް ހޯދާ ދެޓީމު ފައިނަލަށް ހޮވޭގޮތަށެވެ.
Advertisement
This content is created and paid for by advertisers and does not involve Voice Journalists
