މާލޭގެ މާފަންނު މެދު ދާއިރާއަށް ދެން ބަސް ކިޔާނީ އެދާއިރާގެ ގޮނޑިއަށް، ލޯކަލް ކައުންސިލް އިންތިޚާބުގައި ހޮވިވަޑައިގެންނެވި އަޙްމަދު ނަރީޝް ކަމަށް، މަޖިލީހުގެ ތިނަދޫ އުތުރު ދާއިރާގެ މެންބަރު ޢަބްދުލްމުޣުނީ ވިދާޅުވެއްޖެއެވެ.
މުޣުނީ މިހެން ވިދާޅުވެފައިވަނީ، ރައްޔިތުންގެ މަޖިލީހުގެ ކޮމިޓީ ރޫމެއްގައި، މާފަންނު މެދު ދާއިރާގެ މެންބަރު އިބްރާހީމް ރަޝީދު(ބޮންޑާ)އާ ވާހަކަ ދައްކަވަމުންނެވެ. އޭނާ ވިދާޅުވީ، ކައުންސިލް އިންތިޚާބުގައި މާފަންނު މެދަށް މާލެއަށް ނިސްބަތްވާ މީހަކު ވާދަކުރެއްވުމުންވެސް، މާލޭގެ ރައްޔިތުން ނިންމީ ނަރީޝް ހޮވުމަށް ކަމަށެވެ.
"މާލޭ މީހާ ކުރިމަތިލިޔޭ އެތަނަށް. މާލޭ މީހާ ކުރިމަތިލާފައި ހުއްޓާ މާލޭ މީހާއަށް ނުދިން. މާލޭ މީހުން ބުނީ ދެން ނަރީޝްއޭ އެތަނަށް ބަސް ކިޔާނީ. ހުވަދު އަތޮޅު މީހުން ދެން އެތަނަށް ބަސް ކިޔާނީ" މުޣުނީ ވިދާޅުވިއެވެ.
ލޯކަލް ކައުންސިލް އިންތިޚާބުގައި ނަރީޝްއާއި ވާދަ ކުރެއްވި ކެންޑިޑޭޓަކީ އަޙްމަދު ރިޝްވާންއެވެ. އޭނާގެ މައްޗަށް ނަރީޝް ވަނީ ބޮޑު ތަފާތަކުން ކުރި ހޯއްދަވައިފައެވެ.
Advertisement
This content is created and paid for by advertisers and does not involve Voice Journalists
