މެއި 12 އިން ފެށިގެން ހަފުތާއެއްގެ މުއްދަތަކަށް، ކޮންމެ ދުވަހެއްގެ ހަވީރު 4 އިން ފެށިގެން ފަތިހު 4 އާއި ހަމައަށް މާލޭގައި ކާފިއު ހިންގަން ނިންމައިފިއެވެ.
މިކަން ހެލްތު ޕްރޮޓެކްޝަން އޭޖެންސީން ވަނީ ދާދި ދެންމެއަކު ޓްވީޓްކޮށްފައެވެ. މީގެ އިތުރުންވެސް މެއިމަހުގެ 12 އިން 18 އަށް އެހެނިހެން ފިޔަވަޅުތަކެއްވެސް އެޅުމަށް ވަނީ ނިންމާފައެވެ.
އެގޮތުން ކާބޯތަކެތީގެ ޚިދުމަތްދޭ ތަންތަނުން ޑައިން-އިން ޚިދުމަތްތައް ހުއްޓާލައި، ހަމައެކަނި ޑެލިވަރީ އަދި ޓޭކްއަވޭގެ ޚިދުމަތްދޭން ވަނީ އަންގާފައެވެ. މިފަދައިން ފުލުހުންގެ ޕާމިޓާއި އެކު ޑެލިވަރ ކުރެވޭނީ މެންދަމު 12:00 ޖެހުމާއި ހަމައަށެވެ. އަދި މާލޭގެ މިސްކިތްތަކުގައި ޖަމާޢަތުގައި ނަމާދުކުރުން ހުއްޓާލުމަށްވެސް ވަނީ އަންގާފައެވެ.
މި މުއްދަތުގެ ތެރޭގައި ގައިޑްލައިނާއި ޚިލާފްވާ ފިހާރަތައް 24 ގަޑިއިރުގެ މުއްދަތަކަށް ބަންދުކުރެވޭނެއެވެ.
މީގެ އިތުރުން 13 މެއި އިން ފެށިގެން ދެކުނު އޭޝިޔާގެ ޤައުމުތަކުގެ ފަތުރުވެރިންނަށް ޓުއަރިސްޓް ވިސާ ދިނުން ވަގުތީ ގޮތުން މެދުކަނޑާލުމަށް ވަނީ ނިންމާފައެވެ.
Advertisement
This content is created and paid for by advertisers and does not involve Voice Journalists
