އަލިފުށީގައި ކޮވިޑް19 ފެތުރި އެބަލި ޖެހުނު މީހުންގެ އަދަދު 40 އަށް އަރައިފިއެވެ.
އަލިފުށި ޞިއްޙީ މަރުކަޒުން މަޢުލޫމާތު ދެއްވި ގޮތުގައި، އެރަށުން އިއްޔެ އެކަނި ވެސް 12 މީހަކު ޕޮޒިޓިވް ވިއެވެ. އަދި މިއަދުގެ މިހާތަނަށް 3 މީހަކު ޕޮޒިޓިވްވެފައިވެއެވެ.
ޕޮޒިޓްވި މީހުންގެ އަދަދު 40 އަށް އެރިއިރު އެރަށުގެ ގިނަ ގެތަކެއް މިހާރުވަނީ ކަރަންޓީން ކޮށްފައެވެ. އެރަށުން ވާހަކަ ދެއްކި މީހަކު ބުނީ ކަރަންޓީނު ނުކުރާ ގެތަކުން ވެސް އާންމުކޮށް މީހުން ބޭރަށް ނިކުމެ ނޫޅޭތީ ރަށު ތެރެ އޮންނަނީ ވަރަށް ހިމޭންކޮށް ކަމަށެވެ.
މަޢުލޫމާތު ލިބިފައިވާ ގޮތުގައި، އެރަށުން ބަލިވި މީހުންގެ ހާލު ޖުމުލަ ގޮތެއްގައި ރަނގަޅެވެ. އަދި ޙާލަތު ގޯސްވެގެން އެއްވެސް މީހަކަށް ޞިއްޙީ މަރުކަޒުގައި ފަރުވާ ދެމުންނެއް ނުދެއެވެ.
މަޢުލޫމާތު ލިބިފައިވާ ގޮތުގައި އެރަށަށް ކޮވިޑް-19 ފެތުރުނީ، ވެކްސިންގެ ދެ ޑޯޒް ޖަހައިގެން ކަރަންޓީން ނުވެ އެރަށަށް ދިޔަ މީހެއްގެ ފަރާތުންނެވެ.
Advertisement
This content is created and paid for by advertisers and does not involve Voice Journalists
