ކޮވިޑް-19 ޖެހިގެން ފަރުވާ ހޯދަމުން ދަނިކޮށް އުމުރުން 25 އަހަރުގެ ޒުވާން އަންހެނަކު ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީން ބުނީ ދަރުމަވަންތަ ހޮސްޕިޓަލުގެ އެގާރަ ވަނަ ފަންގިފިލާގައި ފަރުވާދެމުންދިޔަ އުމުރުން 25 އަހަރުގެ ދިވެހި އަންހެނަކު، މިއަދު މެންދުރު 12:43 ހާއިރު ނިޔާވެފައިވާ ކަމަށެވެ.
މަޢުލޫމާތު ލިބިފައިވާ ގޮތުގައި މި އަންހެން މީހާ ކޮވިޑް ޖެހުނުއިރު އިނީ އަލަތު ދަރިފުޅަށް ބަލިވެއެވެ. އަދި ކޮވިޑް ޖެހިގެން އިތުރު ފަރުވާދީފައިވަނީ ދަރުމަވަންތަ ހޮސްޕިޓަލުގައެވެ.
އެ އަންހެންމީހާ 15 ދުވަސް ވަންދެން ވެންޓިލޭޓަރުގައި އޮތްއިރު، ސިޒޭރިއަން ހެދުމަށްފަހު ބަނޑުގައި އޮތް ދަރިފުޅު ވަނީ ނަގާފައެވެ. އެ ކުއްޖާއަށް ނިއޯނޭޓަލް އައިސީޔޫގައި ދަނީ ފަރުވާދެވެމުންނެވެ.
މިއީ ކޮވިޑް-19 ބަލީގައި ރާއްޖެއިން ނިޔާވި 195ވަނަ މީހާއެވެ.
Advertisement
This content is created and paid for by advertisers and does not involve Voice Journalists
