މަންޓާ އެއާގެ ކެބިން ކްރޫއިން ތަމްރީނު ކުރުމުގެ ޕްރޮގްރާމްގައި ބައިވެރިވުމުގު ފުރުސަތު ހުޅުވާލައިފި އެވެ.

މަންތާ އެއާއިން ހަ ހަފްތާގެ މުއްދަތަކަށް ކުރިއަށް ގެންދިއުމަށް ހަމަޖެހިފައިވާ ކެބިން ކުރޫއިން ތަމްރީނު ކުރުމުގެ ޕްރޮގްރާމުގައި ބައިވެރި ވުމުގެ ފުރުސަތު ވަނީ މި މަހުގެ 28 ވަނަ ދުވަހާއި ހަމައަށް ހުޅުވާލެވިފައެވެ.

މި ޕްރޮގްރާމާއި ގުޅޭގޮތުން މަންޓާއިން ބުނެފައިވަނީ މި ތަމްރީނުގައި ބައިވެރިވެވޭނީ އުމުރުން 18 އަހަރު ފުރިފައިވާ، އޯލެވެލްގެ ތިން މާއްދާއިން 'ސީ' ފާސް ލިބިފައިވާ މީހުންނަށް ކަމަށެވެ. އަދި އިތުރު އެހީއަކާ ނުލާ މަދުވެގެން 50 މީޓަރު ފެތުމުގެ ގާބިލުކަން ހުރި، ފަރިތަކޮށް އިނގިރޭސިން ލިޔަން ކިޔަން އެނގުމުގެ އިތުރަށް އެހެން މީހުންނާ ގުޅިގެން އުޅުމުގެ ހުނަރު ހުރުމަކީ މުހިންމު ކަމެއް ކަމަށް ވެސް މަންޓާއިން ވަނީ ބުނެ އެވެ.

މީގެ އިތުރުން މި ޕްރޮގްރާމުގައި ބައިވެރި ވެވޭނީ ވަކި އަދަދެއްގެ ބައިވެރިންނަށް ކަމަށާއި، ޕްރޮގްރާމުން ފާސްވާ ފަރާތްތަކަށް މަންޓާ އެއާއިން ވަޒީފާގެ ފުރުސަތު ހުޅުވާލެވޭނެ ކަމަށްވެސް އެފަރާތުން ބުނެފައިވެއެވެ.