މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އޭ ބުނެފިނަމަ އެންމެ ފުރަތަމަވެސް ހިތަށް ނަގައިގަނެވޭނީ އެ ޕާޓީގެ ލީޑަރު މުހައްމަދު ނަޝީދުގެ ތަސްވީރެވެ. ރާއްޖެއަށް ޒަމާނީ ޑިމޮކްރަސީ ހޯދާދިނުމަށް ނަޝީދު މަގުމަތީގައި ދުވެ އަޑުއުފުލާ އުޅުނު ގޮތުގެ މަންޒަރުތަކެވެ. ޕާޓީގައި ރައްޔިތުންގެ މަގުބޫލުކަން އެންމެ ބޮޑީވެސް ނަޝީދުގެއެވެ.

މިހާތަނަށް އެމްޑީޕީއިން ކާމިޔާބުކުރި ހުރިހާ އިންތިޚާބުތަކެއްވެސް ކާމިޔާބުކޮށްފައިވަނީ ނަޝީދުގެ ބައިވެރިވުމާއި އެކުގައެވެ. ނިމިދިޔަ ރިޔާސީ އިންތިޚާބަށް ބަލާލިޔަސް މިކަން އޮތީ ހަމަ މި ގޮތަށެވެ.

2018 ވަނަ އިންތިޚާބުގައި ނަޝީދުއަށް ކުރިމަތިނުލެވޭކަން ކަށަވަރުވި ހިސާބުން އެމްޑީޕީގެ އާންމު މެމްބަރުން ނިންމީ ނަޝީދު ދެއްކި މީހަކަށް ވޯޓުލުމަށެވެ. އޭރު އެމީހުން ބުނަމުން ދިޔައީ ނަޝީދު "ބުޅާ ގަނޑަކަށް" ވޯޓު ދޭށޭ ބުނި ނަމަވެސް އެކަން ކުރާނެ ކަމަށެވެ. ކަން ވީވެސް އެހެންނެވެ.

ރިޔާސީ އިންތިހާބާއި މަޖިލީސް އިންތިޚާބުގައިވެސް ކަންތައް ވެގެން ދިޔައީ ހަމަ އެ އުސޫލުންނެވެ. ރައްޔިތުންގެ މަޖިލީހުގެ ސުޕަރ މެޖޯރިޓީ އެމްޑީޕީއިން ނެގީ ނަޝީދުގެ ފޮޓޯގަނޑު ދައްކައިގެންކަމަށް ވިދާޅުވަނީ މަޖިލީހުގައި ތިބި އެމްޑީޕީގެ މެމްބަރުންނެވެ.

ރައްޔިތުންގެ މަޖިލީހުގެ ގޮނޑި ހޯދަން މަސައްކަތްކުރި އެންމެންވެސް ވިދާޅުވީ ތިމަންނާމެން މި ތިބީ ނަޝީދު ދެއްކި މަގުން ހިނގައި، މި ގައުމަށް ކުރިއެރުން ހޯދާދިނުމަށް އެމަނިކުފާނާއި އެކުގައިކަމަށެވެ. އެއާއެކު އެމްޑީޕީއިން ބޭނުން ނަމަ ގާނޫނު އަސާސީވެސް ބަދަލުކުރެވޭނެ ވަރުގެ ސުޕަރ މެޖޯރިޓީ އެ ޕާޓީއިން ހޯދީ ހަމަ ނަޝީދުގެ ފޮޓޯގަނޑު ދައްކައިގެންނެވެ.

މި ހުރިހާކަމަކުންވެސް ނަޝީދު އަކީ އެމްޑީޕީގެ އާންމު މެމްބަރުންގެ މެދުގައި ކިހާ ނުފޫޒު ގަދަ ލީދަރެއްކަން ހާމަވެގެންދެއެވެ. އާންމު މެމްބަރުންގެ މެދުގައި ނަޝީދުގެ ބަސް ވިކޭ މިންވަރާއި، ނަޝީދަށް އޮތް މަގުބޫލުކަން މިކަމުން ދޭހަކޮށްދޭ ނޫން ތޯއެވެ.

އެހެން ނަމަވެސް، އެމްޑީޕީ ދެ ކަފިވެ، އެމްޑީޕީގެ ދެ ލީޑަރުންގެ މެދުގައި ވާދަވެރިކަން ބޮޑުވެފައިވާ ވާހަކަތަކެއް ފެންމަތިވުމާއެކު، ނަޝީދުއާއި ގުޅިގެން ދަކެވެމުންދާ ވާހަކަތައްވެސް މިއަދު މި ވަނީ ބަދަލުވެފައެވެ.

މިއަދު ނަޝީދުގެ ފަޅީގައި ތިބި މީހުން ބުނާކަހަލައެވެ. ނަޝީދަކީ އެއްވެސް އާރެއް ބާރެއް ހުރި މީހެއް ނޫނެވެ. ނަޝީދު ޕާޓީގައި އެ ހުރީ ތިމަންނާމެންގެ މަދަދާއެކުގައެވެ. އެހެން ނޫން ނަމަ އޭނާ މި ޕާޓީއިން ބޭރުކޮށްލާނެ ތާ ކިތަންމެ ދުވަހެކެވެ.

އެމްޑީޕީގެ އެތެރޭގެ އިންތިޚާބުގައި، ސަރުކާރު ފަޅީގެ މެމްބަރާއި ވާދަކުރައްވާ އިމްތިޔާޒު ފަހުމީއާއި އޭނާގެ ކެމްޕޭނު ޓީމުން މިއަދު ބުނަމުން އެ ދަނީ ނަޝީދުގެ އާރާއި ބާރު ޕާޓީގައި ކެންޑުނު ވާހަކަތާއެވެ.

އެމްޑީޕީގެ ޗެއަރ ޕާރސަންކަމަށް އިމްތިޔާޒު ނުހޮވިއްޖެނަމަ ނަޝީދު ޕާޓީއިން ބޭރު ކުރާނީ އޭނާގެ ބާރު މުޅިން ކެނޑި އާންމު މެމްބަރުންގެ މެދުގައިވެސް އޭނާގެ މަގުބޫ