މަންޓާއިން ހޯރަފުއްޓަށް ޗާޓަރު ފްލައިތަކެއް!
މަންޓާ އެއާ އިން ހޯރަފުށީ އެއާޕޯޓަށް ޗާޓަރު ފްލައިޓް ތަކެއް ފަށައިފި އެވެ.
މަންޓާ އެއާގެ މެނޭޖަރު މާކެޓިން އެންޑް ކޮމިއުނިކޭޝަން މުބީން ޖަލީލު ރާއްޖޭގެ އޮންލައިން ނޫހެއްކަމަށް ވާ "މި" އަށް މައުލޫމާތު ދެއްވަމުން ވިދާޅުވީ މި ދަތުރުތަކަކީ މަނަފަރު ރިސޯޓުގެ ރިކުއެސްޓަކަށް އަޅާ ޗާޓަރު ދަތުރުތަކެއް ކަމަށާ މި ދަތުރުތައް ދުވާލަކު ދެ ފްލައިޓް އޮންނާނެ ކަމަށެވެ.
މުބީނު އިތުރަށް ވިދާޅުވީ ޝެޑިއުލް ފްލައިޓުތަކެއް އެޅުމުގެ މަޝްވަރާތައްވެސް ފަށާފައިވާކަމަށެވެ. މި ވަގުތު ޗާޓަރު ފްލައިޓުތައް އޮތް ނަމަވެސް އެ ޚިދުމަތް ފުޅާކުރުމުގެ މަސައްކަތް ކުރައްވާކަމަށް އޭނާ ވިދާޅުވިއެވެ.
އޭނާ އިތުރަށް ވިދާޅުވީ ޗާޓަރު ފްލައިޓްތަކެއް ނަމަވެސް އާއްމުންނަށް ދަތުރު ކުރަން ވެސް ޓިކެޓު ލިބޭނެ ކަމަށެވެ.
މިހާތަނަށް މަންޓާއިން ޓިކެޓުވިއްކާ އަގެއް ހާމަކޮށްފައެއް ނުވެއެވެ. މައުލޫމާތު ލިބޭގޮތުގައި މަންޓާއިން ހޯރަފުއްޓަށް ކުރާ ދަތުރުތަކުގެ ޓިކެޓު އަގަކީ 1600 ރުފިޔާއެވެ.
މަންޓާ އިން ކުޑަހުވަދޫ އާއި މާލެ އަދި ސ. ގަމަށްވެސް ދަތުރު ކުރެ އެވެ. އަދި މި ކުންފުންޏަކީ ރާއްޖޭގައި ސީޕްލޭންގެ ހިދުމަތްދޭ ވެސް ކުންފުންޏެކެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
