މިއީ އިނގިރޭސި ޝާހީ އާއިލާއަށް ކުރިމަތިވި އެންމެ ހިތާމަވެރި ދަނޑިވަޅު ކަމަށް އެގައުމުގެ ރަސްކަމާއި ދެން ހަވާލުވެވަޑައިގަންނަވާނެ ރަސްގެފާނު ޗާލްސް ތިންވަނަ ވިދާޅުވެއްޖެއެވެ.

ރަސްގެފާނު މިހެން ވިދާޅުވެފައިވަނީ ޝާހީ އާއިލާއިން ނެރުއްވި ބަޔާނެއްގައެވެ.

މި ބަޔާނުގައި ރަސްގެފާނު ޗާލްސް ވިދާޅުވެފައިވަނީ އެމަނިކުފާނުގެ މަންމާފުޅު ރާނީ އެލިޒަބަތު އަވަހާރަ ވުމަކީ އެމަނިކުފާނަށް އަދި ޝާހީ އާއިލާއަށް ކުރިމަތިވި އެންމެ ހިތާމަވެރި ހާދިސާ ކަމަށެވެ.

އަދި މި ވަގުތުގައި އެ އާއިލާއިން ހިތާމަކުރަމުންދާއިރު އެ ރާނީ އަށް ދުނިޔޭގެ އެކި ކަންކޮޅުތަކުން ލިބެމުންދާ ތައުޒިޔާއާއި އިހްތިރާމްގެ މެސެޖުތަކަށް ރަސްގެފާނު ޗާލްސް ވަނީ ޝުކުރު ދަންނަވާފައެވެ.