ރައްޔިތުން ރަސްގެފާނާއި އެކު އެއްބައިވަންތަކަން ދެއްކުމަށް އިނގިރޭސިވިލާތުގެ ޕްރައިމް މިނިސްޓާ ލިޒް ޓްރަސް ގޮވާލައްވައިފި
ރައްޔިތުން ރަސްގެފާނާއި އެކު އެއްބައިވަންތަކަން ދެއްކުމަށް އިނގިރޭސިވިލާތުގެ ޕްރައިމް މިނިސްޓާ ލިޒް ޓްރަސް ގޮވާލައްވައިފިއެވެ.
ޓްރަސް މިހެން ވިދާޅުވެފައިވަނީ ރާނީ އަވަހާރަވުމާއި ގުޅިގެން ދެއްވި ބަޔާނެއްގައެވެ. ޓްރަސް އިތުރަށް ވިދާޅުވެފައިވަނީ އިނގިރޭސިވިލާތް މިއަދު މިދެކޭ ތަރައްގީއާއި ތަހުޒީބީ ދުވަހަށް އައިސްފައިވަނީ ރާނީ އެލިޒަބަތުގެ މަސައްކަތުން ކަމަށެވެ. އަދި ކުރިއަށް އޮތީ ހިތާމަވެރި ދަތި ދުވަސްތަކެއް ކަމަށާއި ރާނީގެ ހަޔާތުގައި ހޯދި ކާމިޔާބީތަށް ފާހަގަކޮށް އުފާ ކުރުމަށް އިނގިރޭސި ރައްޔިތުން، ކޮމެންވެލްތު އަދި ދުނިޔޭގެ ގައުމުތަކުން އެކަތިގަނޑަކަށް ވާނެ ކަމަށް ޓްރަސް ވަނީ ވިދާޅުވެފައެވެ.
މި ހަފްތާގައި ޕްރައިމް މިނިސްޓަރ ކަމާއި ހަވާލުވެ ވަޑައިގެން ޓްރަސް ވެގެން ގޮސްފައިވަނީ ރާނީ އެލިޒަބަތުގެ ރަނިކަމުގައި އެ ގައުމުގެ ޕްރައިމް މިނިސްޓަރ ކަމާއި ހަވާލުވި 14 ވަނަ ފަރާތަށެވެ.
ރާނީ އެލިޒަބަތު އަވަހާރަ ވެފައިވަނީ މިއަދު އެކަމަނާގެ ޑޮކްޓަރުން ހެދި އިވެލުއޭޝަނަކަށް ފަހު އެކަމަނާގެ ސިއްހީ ހާލުކޮޅާ މެދު ކަންބޮޑުވާ ކަމަށް ބުނުމުން އެޑްމިޓްކޮށް ފަރުވާދެމުން ދަނިކޮށެވެ. ބީބީސީއިން އާންމުކުރި ގޮތުގައި އެކަމަނާ އަވަހާރަ ވެފައިވަނީ އިނގިރޭސި ވިލާތުގެ ގަޑިން މިއަދު މެންދުރު ފަހުގެ ވަގުތެއްގައި އެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
