މި އަހަރުގެ ވޯލްޑް ކަޕާއި ދިމާކޮށް ގަތަރުގައި އިސްރާއިލްގެ ކޮންސިއުލޭޓެއް ހުޅުވުމަށް ގަތަރުން ދެކޮޅު ހަދައިފިއެވެ.
ވޯލްޑް ކަޕުގެ ދުވަސްވަރު ގަތަރުގައި ވަގުތީ ކޮންސިއުލޭޓެއް ހުޅުވުމަށް ގަތަރުގައި އިސްރާއިލުގެ ސަރުކާރުން ރަސްމީކޮށް އެދިފައިވާއިރު މިއަދު ގަތަރުގެ ސަރުކާރުން ވަނީ އިސްރާއިލުގެ އެދުމާއި ދެކޮޅުހަދާފައެވެ. ރިޕޯޓްތައް ބުނާ ގޮތުގައި ގަތަރުގެ މި ނިންމުމާއި ދެކޮޅު ހަދާ ފީފާގައި އިސްރާއިލުން ވަނީ ޝަކުވާ ހުށަހަޅާފައެވެ.
އިސްރާއިލުގެ ރިޕޯޓުތަކުން ބުނާ ގޮތުގައި މި މައްސަލާގައި އިސްރާއިލާއި ގަތަރާއި ދެމެދު ވަނީ މަޝްވަރާ ބައްދަލުވުންތަކެއް ބާއްވާފައެވެ. ނަމަވެސް ގަތަރުގެ އޮފިޝަލުން ވަނީ މިކަން ދޮގުކޮށްފައެވެ.
މިދިޔަ ޖޫން މަހު އިސްރާއިލުން ވަނީ މި އަހަރުގެ ވޯލްޑް ކަޕަށް އެ ގައުމުގެ ރައްޔިތުންނަށް ވިސާއާއި ނުލައި ގަތަރަށް ދެވޭ ގޮތަށް ފީފާ އާއި އެކު ވަނީ އެއްބަސްވުމަކަށް އައިސްފައެވެ.
މި އަހަރުގެ ވޯލްޑް ކަޕުގައި ގަތަރުން ވަނީ ވޯލްޑް ކަޕް ޓިކެޓިން އަދި މެޕް ސައިޓުން އިސްރާއިލުގެ ނަން އުނިކޮށް އެ ގައުމުގެ ސަރަހައްދުގެ ނަން، ވެރިވެގަނެފައިވާ ފަލަސްތީނުގެ ބިންތަކަށް ބަދަލުކޮށްފައެވެ.
Advertisement
This content is created and paid for by advertisers and does not involve Voice Journalists
