ކްރިމިނަލް ކޯޓުގެ ރެޖިސްޓްރަރގެ މަގާމަށް ކުރިމަތިލުމުގެ ފުރުސަތު ހުޅުވާލައިފިއެވެ.
ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ)ން ކޮށްފައިވާ އިއުލާނެއްގައި ބުނެފައިވަނީ ކްރިމިނަލް ކޯޓުގެ ރެޖިސްޓްރާރގެ މަގާމަށް ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ. އެގޮތުން އެމަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 2022 ސެޕްޓެންބަރު 22 ވާ ބުރާސްފަތި ދުވަހުގެ 13:30 ގެ ކުރިން، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަށް ކަމަށްވެސް ޑީޖޭއޭގެ އިއުލާނުގައި ބުނެފައިވެއެވެ.
މިމަގާމަށް ހޮވޭ ފަރާތުގެ އަސާސީ މުސާރައިގެ ގޮތުގައި -/13400 ރުފިޔާ ލިބޭއިރު، އެލަވަންސްގެ ގޮތުގައި -/7370 ރުފިޔާ، ސަރވިސް އެލަވަންސްގެ ގޮތުގައި -/3000 ރުފިޔާ ލިބޭނެއެވެ.
މީގެ އިތުރުން ލިވިންގ އެލަވަންސްގެ ގޮތުގައި -/2700 ރުފިޔާ، އަދި ކަނޑައެޅިފައިވާ އުސޫލުން އިތުރުގަޑީގެ ފައިސާ އާއި، ދިވެހިރާއްޖޭގެ ޕެންޝަނާ ބެހޭ ޤާނޫނުގެ ދަށުން ލިބިދެވޭ ޕެންޝަން ފައިސާވެސް ލިބޭނެ ކަމަށް އިއުލާނުގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
