ދިވެހިރާއްޖޭގެ ދަރަނި 100 ބިލިއަން ހުރަސްކުރި އިރުވެސް، އިންޑިއާ އިން ލޯނުގެ މައްޗަށް ލޯނު ނަގަމުންދާ ކަމަށްބުނެ ރައްޔިތުންގެ މަޖިލީހުގެ މާވަށު ދާއިރާގެ މެންބަރު އަދި ކުރީގެ އިކޮނޮމިކް މިނިސްޓަރު މުހައްމަދު ސައީދު ކަންބޮޑުވުންފާޅުކޮށްފިއެވެ. 

ސައީދު ފޭސްބުކުގައި މިއަދު ކުރެއްވި ޕޯސްޓެއްގައި ވަނީ، ދައުލަތުގެ ދަރަނި އިންތިހާއަށް ބޮޑުވެފައިވާއިރު ވެސް ސަރުކާރުން ހުއްޓުމެއްނެތި ލޯނު ނަގައި، ފައިސާ ޗާޕުކުރަމުންދާތީ ކަންބޮޑުވުންފާޅުކޮށްފައެވެ. އަދި އެގޮތުން ފައިސާ ޗާޕުކޮށްގެން ކުރާ ޚަރަދުތައް ހާމަކުރުމަށް ނުވަތަ ސަރުކާރުން ކުރާޚަރަދަށް އެމްޑީީޕީ ކޯލިޝަނުން ޒިއްމާވާނަންތޯ ރައްޔިތުންގެ މަޖިލީހުގައި ވޯޓަށްއެހީމަ އަރަނީ ރަތަށް ކަމަށްވެސް ސައީދު ވިދާޅުވިއެވެ. 

"ގައުމުގެ ދަރަނި 100ބިލިއަން ހުރަސްކޮއްފި. ފައިސާހަމަޗާޕްކުރަނީ،އިންޑިއާ އިންލޯނުގެމައްޗަށްލޯނުނަގަނީ. ޗާޕުކޮއްފަ ކުރާޚަރަދު ހާމަކުރާށޭ ނުވަތަ ސަރުކާރު ކުރާޚަރަދަށް އެމްޑީީޕީ ކޯލިޝަން ޒިއްމާވާނަންތޯ މަޖިލިސްގަ ވޯޓަށްއެހީމަ އަރަނީ ރަތަށް!" ސައީދު ވިދާޅުވިއެވެ. 

Advertisement

ރާއްޖޭގެ ރިޒާވް މަހުން މަހަށް ދަށްވަމުންދާ ކަމަށް ތަފާސް ހިސާބުތަކުން ދައްކާއިރު އަދި ރާއްޖޭގެ ދަރަނި މިހާރު ވަނީ ފުރަތަމަ ފަހަރަށް 100 ބިލިއަން ރުފިޔާއަށް އަރާފައެވެ. އެއާއެކު ރާއްޖޭގެ ޖުމްލަ ދަރަނި މިހާރު ހުރީ ބޮލަކަށް 183،000ރ. އަށްވުރެ ގިނައިން ޖެހޭ ވަރުގެ އަދަދަދަކަށެވެ.

ދަރަނި އިތުރުވެ، ރާއްޖޭގެ އިޤުތިޞާދަށް ކުރިމަތިވަމުން އަންނަ މައްސަލަތައް ހައްލު ކުރުމަށް އިދިކޮޅު ފަރާތްތަކުން އަބަދާއި އަބަދު އަންނަނީ ސަރުކާރަށް ގޮވާލަމުންނެވެ.