ހަނގުރާމައަށް މީހުން ދާ ދޮރުތައް މިހާރު ވަނީ ބަންދުކުރެވިފައި ކަމަށާ، އެ މައްސަލާގައި މިހާރު ހެޔޮ ބަދަލެއް އައިސްފައިވާ ކަމަށް ބެލެވޭ ކަމަށް، ހޯމް މިނިސްޓަރ އިމްރާން ވިދާޅުވެއްޖެއެވެ.
އިމްރާން މިފަދައިން ވިދާޅުވެފައި ވަނީ 'ރާއްޖެ ޓީވީ' ގެ 'ފަލަ ސުރުޚީ' ޕްރޮގްރާމް ގައި, ރާއްޖެއިން ބޭރަށް ހަނގުރާމައަށްދާ މައްސަލަ އާއި ގުޅިގެން ޕްރެޒެންޓަރު ކުރި ސުވާލަކަށް ޖަވާބުދެއްވަމުންނެވެ.
އެގޮތުން، ޢިމްރާން ވިދާޅުވީ، ރާއްޖެއިން ބޭރުގައި ހިނގާ އެކި ހަނގުރާމަ ތަކަށް ދިވެހިންދާ ދޮރުތައް މިހާރު ވަނީ ވަރަށް ބޮަޑަށް ބަންދުކުރެވިފައި ކަމަށެވެ. އަދި ހަނގުރާމަ އަށް މައްސަލަ ހުއްޓުވުމަށް ވަރަށް ގިނަ މަސައްކަތް މިހާތަނަށްވެސް ކުރެވިފައިވާ ކަމަށް އޭނާ ވިދާޅުވިއެވެ.
"އެދޮރުތައް އަޅުގަނޑުމެންނަށް ވަނީ ވަރަށް ބޮޑަށް ބަންދުކުރެވިފައި. ޚާއްސަކޮށް މި ދައުރުގެ ތެރޭގައި، ދެން އެ ސަރަހައްދު ތަކަށްވެސް އައިސްފައިވާ ބައިވަރު ބަދަލުތަކާއިއެކުގައިވެސް އެކުގައި، އަޅުގަނޑުމެންނަށް މިހާރު ވަނީ އެކަމަށްޓަކައި ވަރަށް ބައިވަރު މަސައްކަތްތައް ކުރެވިފައި."
ހޯމް މިނިސްޓަރު ޢިމްރާން
ޢިމްރާން ވިދާޅުވީ، ސަރުކާރުގެ އިންޓެލިޖެންސް އިދާރާތަކުގެ އެހީގައި އެފަދަ (ހަނގުރާމަ އަށްދާން ބޭނުންވާ) މީހުން ރެކޯޑް ކުރުމަށް މަސައްކަތް ކުރާ ފަރާތްތަކުގެ މަސައްކަތަށް ބޮޑު ހުރަހެއް އެޅިފައިވާކަމަށެވެ. އެގޮތުން ހަނގުރާމަ އަށް ދިޔުމުގެ ވިސްނުމެއް ގެ ތެރެއިން ދަތުރުކުރަން ގަސްތުކުރާ ބައެއް ފަރާތްތައްވެސް ހުއްޓުވާފައިވާ ކަން އިމްރާން ފާހަގަކުރެއްވިއެވެ. ވުމާއެކު، ހަނގުރާމައަށްދާ މައްސަލާގައި މިހާރު ވަރަށް ބޮޑު ހެޔޮ ބަދަލެއް ގެނެވިފައިވާ ކަމަށް ބެލެވޭ ކަމަށްވެސް އޭނާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
