މާލޭގެ މަގުމަތިން އަނިޔާވެރިކޮށް މަރާލާފައިވާ ބުޅާތައް ފެންނަ މައްސަލަ ތަހުގީގުކުރުމަށް މޯލްޑިވްސް ޕޮލިސް ސާރވިސްއަށް ހުށައަޅައިފިއެވެ.
މިކަން ފުލުހުން ކުރި ޓްވީޓަކުން ވަނީ ކަށަވަރުކޮށްދީފައެވެ.
ފުލުހުން ބުނީ މާލޭގައި އަނިޔާވެރިކޮށް ބުޅާ މަރަމުންދާތީ ރައްޔިތުންގެ ތެރެއިން ބަޔަކު މިކަން ހުއްޓުވައިދިނުމަށް އެދި ފުލުހުންނަށް ޕެޓިޝަނެއް ހުށަައަޅާފައިވާ ކަމަށެވެ.
މި މައްސަލައަކީ ފުލުހުން ސީރިއަސް މައްސަަލައެއްގެ ގޮތުގައި ބަލަމުންދާ މައްސަލައެއްކަމަށް ފުލުހުން ވަނީ ބުނެފައެވެ.
މާލޭގެ މަގުމަތިން ފަހަކަށް އައިސް ވަރަށް އަނިޔާވެރިކޮށް މަރާލާފައިވާ ބުޅާތައް ދަނީ ފެންނަމުންނެވެ. މި ފަދަ ބުޅާތަކުގެ ބޮލުގައި އެއްޗަކުން ގިނަފަހަރު ޖަހާފައިވާއިރު، ބުޅާތަކަށް ބަޔަކު ގަސްދުގައި ހަމަލާ ދެމުންދާކަމަށް ގިނަ ފަރާތްތަކުން ދަނީ ބުނަމުންނެވެ.
ދިވެހިރާއްޖޭގެ ގާނޫނުލް އުގޫބާތުގެ 625ވަނަ މާއްދާގައިވާ ގޮތުގައި ޖަނަވާރަކަށް އަނިޔާވެރި އަމަލުކުރުމަކީ ތިންވަނަ ދަރަޖައިގެ ކުށެކެވެ. މި ކުށް ސާބިތުވެއްޖެނަމަ މަދުވެގެން ހަ ދުވަސް ނުވަތަ ގިނަވެގެން ތިންމަހުގެ ޖަލުހުކުމެއް އައުމަކީ އެކަށީގެންވާ ކަމެކެވެ.
Advertisement
This content is created and paid for by advertisers and does not involve Voice Journalists
