އަރަބިއްޔާ ސްކޫލުގެ އައު އިމާރާތް އަދި ޖަމާލުއްދީން ސްކޫލުގެ އެނެކްސް އިމާރާތުގެ ޑިޒައިންގ އެންޑް ބިލްޓްގެ މަސައްކަތް އަމިން ކޮންސްޓްރަކްޝަނާއި ހަވާލުކޮށްފިއެވެ.

އެޑިއުކޭޝަން މިނިސްޓްރީގައި ބޭއްވި ރަސްމިއްޔާތެއްގައި މިކަމާއި ގުޅޭ އެއްބަސްވުމުގައި ސޮއިކުރެއްވީ އެޑިއުކޭޝަން މިނިސްޓަރ ޑރ.އައިޝަތު އަލީއެވެ.

އަމީން ކޮންސްޓްރަކްޝަނާ އަރަބިއްޔާ ސްކޫލް އާ އިމާރާތާއި ޖަމާލުއްދީން ސްކޫލް އެނެކްސް އިމާރާތުގެ މަސައްކަތަށް ހަވާލުކޮށްފައި ވަނީ 168،525،150.92 ރުފިޔާ އަށް 420 ދުވަހުގެ ތެރޭގައި ނިންމުމަށެވެ..

Advertisement

މި މަސައްކަތުގެ ދަށުން އެގޮތުން އަރަބިއްޔާ ސްކޫލުގެ އާ އިމާރާތުގައި 40 ކްލާސްރޫމާއި މަލްޓިޕާޕަސް ހޯލެއް އިމާރާތްކޮށް، ހަތަރު ލިފްޓު ހަރުކުރުމަށް ވަނީ ހަމަޖެހިފަ އެވެ. އަދި ޖަމާލުއްދީން ސްކޫލުގެ އެނެކްސް އިމާރާތުގައި 34 ކްލާސްރޫމް އިމާރާތްކޮށް، ދެ ލިފްޓު ހަރުކުރުމަށް ވަނީ ހަމަޖެހިފަ އެވެ.

މީގެއިތުރުން 2 ސްކޫލްގެ މުވައްޒަފުންގެ ފާކުކުރުމަށް ފާކިން އޭރިއާއެއް ޑިޒައިންގައި ހިމެނޭނެ ކަމަށާއި އެ ސަރައްދުގެ ޓްރެކްފިކް ހައްލުކުރުމަށް މަދޮށިގޯޅިން ޖަމާލުއްދީން ހިނގުމަށް ސްކޫލުގެ ބޭނުމަށް އާ މަގެއްވެސް ޑިޒައިންގައި ހިމެނިފައިވާނެ ކަމަށްވެސް މިނިސްޓްރީއިން ބުނެއެވެ.

އެޑިއުކޭޝަން މިނިސްޓްރީއިން ބުނީ އުންމީދު ކުރަނީ އަންނަ އަހަރުގެ ޑިސެންބަރު މަހުގެ ފަހުކޮޅު އެ އިމާރާތުގެ މަސައްކަތް މުޅިން ނިމި 2024 ވަނަ އަހަރުގެ ދެވަނަ ޓާމު ކިޔެވުން ފެށޭއިރު އެ އިމާރާތުގެ ބޭނުން ކުރަން ފެށޭނެ ކަމަށެވެ. 

އަދި އެ އިމާރާތް އެޅުމަށް ހަމަޖެހިފައިވާ ބިމުގައި ހުރި ބާ ޖަމާލުއްދީން ސްކޫލް ތަޅާ ސާފު ކުރުމުގެ މަސައްކަތް މިހާރު ކުރިއަށްދާ ކަމަށާއި އޮކްޓޯބަރު މަހުގެ 14 އަށް އެ ތަން އެއްކޮށް ސާފުކޮށް މިނިސްޓްރީއާ ހަވާލުކުރާނެ ކަމަށް ވެސް މިނިސްޓްރީއިން ވަނީ ބުނެފައެވެ.

މިނިސްޓްރީއިން ބުނީ އެ އިމާރާތް ނިމުމުން އަރަބިއްޔާގެ ދަރިވަރުންގެ ކިޔެވުމަށް ދާއިމީ ހައްލެއްގެނެވޭނެ ކަމަށާއި ޖަމާލުއްދީން ސްކޫލަށް ދިމާވެފައިވާ ޖާގައިގެ ދަތިކަން ހައްލުވެ ސްކޫލްގައި ކިޔަވާދެވޭ ކުދިން އެއް ދަންފަޅިއަށް ކިޔަވައިދޭ ފުރާ ފުރިހަމަ ސްކޫލެއްގެ ގޮތުގައި ބަދަލު ކުރެވޭނެ ކަމަށެވެ.