Advertisement
ހުޅުމާލެއިން ގެއްލުނު ޒުވާނާގެ ކަމަށް ބެލެވޭ ހަށިގަނޑެއް ފެނިއްޖެ
ފުލުހުންގެ ނޫސްވެރިންގެ ބައްދަލުވުން
ފުލުހުންގެ ނޫސްވެރިންގެ ބައްދަލުވުން
އަޒްހާންގެ ހަށިގަނޑުކަމަށް ބެލެވޭ ހަށިގަނޑު ފެނުނު ތަން
ހުޅުމާލޭގައި ނިޔާވެފައި އޮއްވާ ފެނުނު، މުޙައްމަދު އަޒްހާން ކަމަށް ބެލެވޭ މީހާގެ ޕޯސްޓްމޯޓަމް ހެދުމަށް ނިންމާފައިވާ ކަމަށް ފުލުހުން ބުނެފިއެވެ.
ހުޅުމާލެއިން ގެއްލިގެން ހޯދަމުންދާ މުޙައްމަދު އަޒްހާންގެ ހަށިގަނޑުކަމަށް ބެލެވޭ މީހެއްގެ ހަށިގަނޑެއް ފެނިފައިވާތީ އެކަމާއި ގުޅިގެން ފުލުހުން ކުރިއަށް ގެންދާ ޕްރެސް ގައި ފުލުހުންގެ ސީރިއަސް އެންޑް އޯގަނައިޒްޑް ޑިޕާޓްމެންޓުގެ ސުޕްރިޑެންޓް އޮފް ޕޮލިސް ހަސަން ސައީދު ވިދާޅުވީ، މަރުވެފައި އޮއްވާ ފެނުނު ޒުވާނާގެ ހަށިގަނޑުން އެއްވެސް އަނިޔާއެއް މިހާތަނަށް ފެނިފައި ނުވާ ކަމަށާ، މަރާއި ގުޅޭ އިތުރު ކަންކަން ހޯދުމަށް ހަށިގަނޑުގެ ޕޯސްޓްމޯޓަމް ހެދުމަށް ފޮނުވަން ހަމަޖެހިފައިވާ ކަމަށެވެ. އަދި އޭނާގެ އާއިލާއާއި އެކަމާ ގުޅިގެން ވާހަކަތައް ދެކެވެމުންދާ ކަމަށްވެސް އޭނާ ވިދާޅުވިއެވެ.
ހުޅުމާލެއިން ގެއްލިގެން ހޯދަމުންދާ މުޙައްމަދު އަޒްހާންގެ ހަށިގަނޑުކަމަށް ބެލެވޭ މީހެއްގެ ހަށިގަނޑެއް ފެނިފައިވާކަމަށް ފުލުހުން ބުނެފިއެވެ.
ފުލުހުން ބުނީ އެ ހަށިގަނޑު ފެނިފައިވަނީ އެ މައްސަލައާއި ގުޅިގެން ފުލުހުން ހިންގި އޮޕަރޭޝަނެއްގައި މިއަދު 17:45 ގައި ކަމަށެވެ.
ހުޅުމާލެއިން ގެއްލުނު އެ ޒުވާނާ ގެއްލުނު މައްސަލަ ފުލުހުންނަށް ރިޕޯޓުކޮށްފައިވަނީ ސެޕްޓެމްބަރު މަހުގެ 18 ގައެވެ.
ފުލުހުން ބުނީ އެ މައްސަލައާއި ގުޅޭ އިތުރު ތަފްސީލުތައް މިރޭގެ ވަގުތެއްގައި ހާމަކުރާނެކަމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
