އއ.މާޅޮހުގެ ދެކުނުން ބަންޑުން ޖަހާލާފައި އޮތް ލޯންޗެއްގައި ދަތުރުކުރި ދެމީހުންގެ ތެރެއިން ގެއްލުނު މީހާގެ ވަނަވަރު އެެމްއެންޑީއެފުން އާންމުކޮށްފިއެވެ.
އެމްއެންޑީއެފުން ބުނެފައިވަނީ ގެއްލިގެން ހޯދަމުންދަނީ އުމުރުން 28 އަހަރުގެ ސ.ހިތަދޫ، މިންހާ/ މުޙައްމަދު މިންހާޖު ކަމަށެވެ. އަދި, އެންމެ ފަހުން އޭނާ ލައިގެން ހުރީ އަޅި ކުލައިގެ އަތް ދިގު ޓީޝާޓަކާއި ނޫކުލައިގެ ޖިންސެއް ކަމަށް ބުނެފައިވެ އެވެ.
މިންހާޖު ހޯދުމަށް އެމްއެންޑީއެފްއިން ކުރިއަށް ގެންދާ އޮޕަރޭޝަނުގައި އެމްއެންޑީއެފް ކޯސްޓްގާޑް ޝިޕް ޝަހީދު އަލީ އާއި ފާސްޓް އިންޓަސެޕްޓް ކުރާފްޓް "ހަކުރާ" އަދި އެމްއެންޑީއެފްގެ ޑޯނިއާ ފްލައިޓް ދަނީ އެ ސަރަހައްދުގައި ހަރަކާތްތެރިވަމުން ކަމަށް ވެސް ވަނީ މައުލޫމާތު ދީފަ އެވެ.
އެމްއެންޑީއެފުން ބުނީ މިންހާޖު އާއި ބެހޭ އެއްވެސް މައުލޫމާތެއް ލިބިއްޖެ ނަމަ ހިލޭ ގުޅޭނަމްބަރު 191 ނުވަތަ 3395981 ،3398898 ނަންބަރަށް އަދި ވައިބަރ އިން ނަމަ 9931082 އަދި ފެކްސް އިން ނަމަ 3391665 ނަމްބަރަށް ފެކްސްކުރުމަށެވެ.
Advertisement
This content is created and paid for by advertisers and does not involve Voice Journalists
