ގެއްލިގެން ހޯދަމުން ދަނިކޮށް މިދިޔަ އާދީއްތަ ދުވަހު ހުޅުމާލޭގައި ނިޔާވެފައި އޮއްވާ ފެނުނު މުހައްމަދު އަޒުހާންގެ ހަށިގަނޑު ކަމަށް ބެލެވޭ މީހާގެ ހަށިގަނޑު ޕޯސްޓްމޯޓަމް ހަދަން އިންޑިއާއަށް ފޮނުވައިފިއެވެ.

ފުލުހުންގެ މީޑިއާ އޮފިޝަލް ވިދާޅުވީ ގެއްލިގެން ހޯދަމުންދިޔަ އަޒުހާން ކަމަށް ބެލެވޭ މީހާގެ ޕޯސްޓްމޯޓަމް ހެދުމަށް، ހަށިގަނޑު މިއަދު އިންޑިއާއަށް ގެންގޮސްފައިވާ ކަމަށެވެ.

މިދިޔަ މަހުގެ 18 ވަނަ ދުވަހު ގެއްލިގެން ހޯދަމުން ދިޔަ އަޒުހާންގެ ހަށިގަނޑު ފެނިފައި ވަނީ ހުޅުމާލެ ސްކޭޓް ޕާކް ސަރަހައްދުގެ ގަސްތަކުގެ ތެރެއިންނެވެ. ފެނުނު އިރު އަޒްހާނުގެ ހަށިގަނޑު ވަނީީ ވަރަށް ބޮޑަށް ކުނިވެފައެވެ. 

 އަޒުހާން ހޯދަން ގިނަ ދުވަސްވެފައިވާއިރު، އެކަމާއި ގުޅިގެން އާންމުންގެ ފަރާތުން ފުލުހުންނަށް ވަނީ ވަރަށް ބޮޑެތި ފާޑުކިޔުންތައް އަމާޒުވެފައެވެ.