ސެޕްޓެމްބަރު 18 ވަނަ ދުވަހު ހުޅުމާލެއިން ގެއްލިގެން ހޯދަމުންދަނިކޮށް މަރުވެ ކުނިވެފައި އޮތްވާ ފެނުނު މުހައްމަދު އަޒުހާނުގެ ހަށިގަނޑުގެ ވަގުތީ ޕޯސްޓްޕޯޓަމް ނަތީޖާއިން ހަޑިގަނޑަށް ބޮޑެތި އަނިޔާތަކެއް ދީފައިނުވާަކަން ދެނެގަނެވިފައިވާކަން ފުލުހުން ހާމަކޮށްފިއެވެ. 

އެ މައްސަލައާއި ގުޅިގެން ފުލުހުން ބޭއްވި ނޫސް ކޮންފަރެންސްގައި ފުލުހުން ބުނީ އަޒުހާނުގެ ހަށިގަނޑު ފެނުނު އިރުވެސް އޮތީ ވަރަށް ބޮޑަށް ޑީ ކޮމްޕޯސްވެފައިކަމަށެވެ. އެހެންކަމުން ނޯމަލް ޕޯސްޓްމޯޓަމް ޕްރޮސީޖަރެއްގެ އިތުރުން އެޑްވާންސް ޓެސްޓުތަކެއް ހަދަމުންދާކަމަށް ފުލުހުން ބުންޏެވެ. 

އަދި އޭގެ ދަތީޖާތައް ލިބުމަށް 2 މަސް ދުވަސް ނަގާނެކަމަށް ފުލުހުން ވަނީ ބުނެފައެވެ. 

Advertisement

އެއާއެކު ފުލުހުން ބުނީ މިހާރު ލިބިފައިވާ ވަގުތީ ނަތީޖާއަށް ބަލާއިރު ހަޑިގަނޑަށް ބޮޑު އަނިޔާއެއް ދީފައިވާކަމަށް ދެނެގަނެވިފައި ނުވާކަމަށެވެ. އަދި މި މައްސަލައިގައި އެއްވެސް މީހަކަށް މިހާތަނަށް ތުހުމަތުވެސް ނުކުރެވޭކަމަށް ފުލުހުން ވަނީ ބުނެފައެވެ. 

އެހެން ނަމަވެސް އަދިވެސް އެ މައްސަލައިގެ ތަހުގީގު ކުރެވެމުންދާކަމަށާއި، ޕޯސްޓްމޯޓަމްގެ ދާއިމީ ނަތީޖާއިން އިތުރު ކަންތައްތައްވެސް ދެނެގަނެވޭނެކަމަށް އުންމީދުކުރާކަމަށް ފުލުހުން ވަނީ ބުނެފައެވެ.