ދައުލަތަށް ގިނަ ދުވަސްތަކެއް ވަންދެން ޚިދުމަތް ކޮށްދެއްވި އަންނަބީލާ ހަބީބާ ހުސައިން ހަބީބު އަވަހާރަ ވެއްޖެ އެވެ.
އެ ކަމަނާ މިއަދު އަވަހާރަވީ ވަރަަށް ބޮޑަށް އާލާސްކަންފުޅާ އުޅުއްވައި، ފަރުވާ ހޯއްދަވާތާ ގިނަ ދުވަސްތަކެއް ވެފައިވަނިކޮށެވެ. އަވަހާރަވީވެސް އައިޖީއެމްއެޗްގައި ފަރުވާ ދެމުން ގެންދަނިކޮށެވެ.
އަވަހާރަވިއިރު އެކަމަނާގެ އުމުރުފުޅަކީ 92 އަހަރެވެ.
ނިޝާން ދިޔަމިގިލީ ޝަރަފުގެ އިއްޒަތް ލިބިވަޑައިގެންފައިވާ ހަބީބާ ހުސައިންއަކީ ދައުލަތަށް ވަރަށް ދިގު މުއްދަތަކަށް ހިދުމަތް ކުރައްވާފައިވާ ބޭކަނބަލެކެވެ. އެގޮތުން 49 އަހަރު ވަންދެން ދައުލަތުގެ އެކި މުއައްސަސާތަކުގައި އެކަމަނާ ވަނީ މަސައްކަތް ކުރައްވައި ޚިދުމަތް ކޮށްދެއްވާފައެވެ.
އެންމެ ގިނަ ދުވަހު ހިދުމަތް ކުރެއްވީ ގައުމީ ކުތުބުހާނާ ގައެވެ. އެ އިދާރާ ހިންގެވުމުގެ އެންމެ އިސްވެރިއެއްގެ ގޮތުގައި ހުންނަވާ ޒަމާނީ މުހިންމު ބަދަލުތައް ހިންގެވުމާއި އެ އިދާރާއަށް ގެންނެވިއެވެ.
އޭގެ އިތުރުން ތައުލީމީ ދާއިރާއަށާއި ދިވެހި އަދަބާއި ތާރީހަށް ވެސް ގިނަ ހިދުމަތްތަކެއް އެކަމަނާ ވަނީ ކޮށްދެއްވާފައެވެ. އެގޮތުން ތައުލީމީ ދާއިރާއާއި ގުޅޭ ގިނަ ލިޔުއްވުންތައް ލިޔުއްވާފައިވާއިރު އެކަމުގެ އަގު ވަޒަން ކުރެއްވުމުގެ ގޮތުން ސަރުކާރުން ވަނީ ޝަރަފުވެރިކަމުގެ ގައުމީ އިނާމު ވެސް އެކަމަނާއަށް އަރުވާފައެވެ.
ހަބީބާ އަކީ ރާއްޖޭގެ ރަސްކަލެއް ކަމަށްވާ ޝަމްސުއްދީނުގެ ކާފަ ދަރިކަނބަލެކެވެ.
Advertisement
This content is created and paid for by advertisers and does not involve Voice Journalists
