އަންނައަހަރުގެ ފެބްރުވަރީން ފެށިގެން އެތެރޭގެ އުދުހުންތަކުގައި ބޭނުން ކުރެވޭނީ މުއްދަތުހަމަނުވާ ޑޮކިއުމެންޓް ކަމަށް ޑިފެންސް މިނިސްޓްރީން ބުނެފިއެވެ. 

މިނިސްޓްރީ އޮފް ޑިފެންސްގެ ޑައިރެކްޓަރ ޖެނެރަލް އޮފް އޭވިއޭޝަން ސެކިއުރިޓީ ޙުސެއިން ނަޒީފް ސޮއިކުރައްވާ ރާއްޖޭގެ އެއަރޕޯޓް އޮޕަރޭޓަރުންނާއި، ލޯކަލް އެއަރލައިން އޮޕަރޭޓަރުންނާއި، އޭވިއޭޝަން ސެކިއުރިޓީ ކޮމާންޑަށް ފޮނުވި ސަރކިއުލަރގައި މުއްދަތު ހަމަވެފައިވާ ޓްރެވަލް ޑޮކިއުމަންޓްތައް އެތެރޭގެ އުދުހުންތަކުގައި ބޭނުންކުރެވޭނެ އެންމެފަހު ތާރީޚެއްގެގޮތުގައި ބަޔާންކޮށްފައިވަނީ އަންނަ އަހަރުގެ ފެބްރުއަރީމަހުގެ 22 ވަނަ ދުވަހެވެ.

އެހެންކަމުން، އަންނައަހަރުގެ ފެބްރުވަރީ 23 ވަނަ ދުވަހުން ފެށިގެން އެތެރޭގެ އުދުހުންތަކުގައި ބޭނުންކުރެވެނީ މުއްދަތު ހަމަނުވާ ޕާސްޕޯޓާއި އައިޑީ ކާޑު، ވާރކް ވިސާ، ލައިސަންސް ކާޑު ކަމަށާއި އަދި އެއަރޕޯޓު ސެކިއުރިޓީ ފާސް، ސަރުކާރުގެ އިދާރާއަކުން ދޫކޮށްފައިވާ ފޮޓޯ އަދި އައިޑީ ކާޑް ނަމްބަރު ޖެހި ރަސްމީ ލިޔުން ވެސް ބޭނުން ކުރެވޭނީ މުއްދަތު ހަމަނުވާ ނަމަ ކަމަށް އެ ސާކިއުލާގައި ބުނެފައިވެއެވެ. 

ކޮވިޑް-19 އާއި ގުޅިގެން އެފަދަ ލިޔެކުއުންތައް ހޯދުމުގައި ދިމާވި ދަތިތަކުގެ ސަބަބުން އެ މިނިސްޓްރީން ވަނީ އެތެރެގޭ އުދުހުންތަކުގައި އެފަދަ ލިޔެކުއުންތަކުގެ މުއްދަތު ހަމަވެފައިވީނަމަވެސް ބޭނުންކުރެވޭނެ އިންތިޒާމު ހަމަޖައްސަވާފަ އެވެ.

އެގޮތުން ޓިކެޓް ގަތުމަށާއި އެއަރލައިންއަށް ޗެކިންގ ކުރުމަށާއި ސެކިއުރިޓީ ޗެކް ޕޮއިންޓުތަކުނ،ް ކާކުކަން ދެނެގަތުމަށް އެފަދަ ލިޔެކިޔުންތައް އަންނަނީ ބޭނުން ކުރަމުން ނެވެ.

އެހެންނަމަވެސް، ކޮވިޑާއި ގުޅިގެން ރާއްޖޭގައި އަޅާފައި އޮތް ސިއްހީ ކުއްލި ހާލަތު  13 މާޗް 2022 އުވާލާފައިވާއިރު، ދަތުރުފަތުރު ކުރުމަށްވެސް ދީފައިވާ ލުއިތައް ޑިފެންސް މިނިސްޓްރީން މިވަނީ އުވާލާފައެވެ.