ކުކުޅާއި މަސް ފިހެގެން ނުވަތަ ތެލުލައިގެން ކާއިރު، ޑިޕިންގް ސޯސް ކޮޅަކާއި ޖަހާލައިގެން ކާލުމަކީ އޭގެ ރަހަ ދެތިން ގުނަ އަށް އިތުރަށް މީރުކޮށްދޭ ކަމެކެވެ. އެހެންކަމުން މިއަދު 'ވޮއިސް' ގެ ބަދިގެއިން މި ގެނެސްދެނީ މީރުކޮށް ޑިޕިންގް ސޯސް ތައްޔާރު ކުރާނެ ގޮތެވެ. މި ޑިޕިންގް ސޯސް ކުކުޅާއި މަހުގެ އިތުރުން ސޭންޑްވިޗް ނުވަތަ ސަބްމެރިން ހަދާލުމަށްވެސް ރަނގަޅު ވާނެއެވެ. 

4 ލޮނުނެދު 

1 ސައި ސަމުސާ މަސްޓަޑް ސޯސް

1/2 ސައި ސަމުސާ ހަކުރު

1 މޭޒުމަތީ ސަމުސާ ލުނބޯހުތް

1 ބިސް

1/2 ޖޯޑު ކުކިންގ އޮއިލް

1/2 ޖޯޑު މަޔޮނައިޒް

1 ސައި ސަމުސާ އަސޭމިރުސް

ކުޑަ ލޮނު ކޮޅެއް

1 މޭޒުމަތީ ސަމުސާ ކްރީމް ޗީޒް ސްޕްރެޑް (ބޭނުން ނަމަ)

1/2 މޭޒުމަތީ ސަމުސާ ފްރައިޑް ޗިކަން ސޯސް 

މަޔޮނައިޒް އާއި ތެލާއި، ކްރީމް ޗީޒް ސްޕްރެޑް އަދި އަސޭމިރުސް ފިޔަވައި ދެން ހުރި ހުރިހާ އެއްޗެއް މިކްސަރަކުން ރަނގަޅަށް އެކުލަވައި މުގުރާލާށެވެ. އެއަށްފަހު، ފަހަރަކު އެތިކޮޅަކުން ތެޔޮ އަޅަމުން މިކްސަރުން އެކުލަވަމުން ދާށެވެ. ހުރިހާ ތެޔޮ އެއްކޮށް އަޅައި، ސޯސް ގަނޑު ކްރީމީ ވުމުން ތައްޓަކަށް އަޅާލުމަށްފަހު މަޔޮނައިޒް އާއި، ކްރީމް ޗީޒް ސްޕްރެޑް އަދި އަސޭމިރުހާއި އެކުލަވާލާށެވެ. މީރު ޑިޕިންގް ސޯސް ގަނޑެއް އެހުރީ ތައްޔާރު ވެފައެވެ.