މަންޓާ އެއަރގެ ސީޕްލޭން އޮޕަރޭޝަން އިތުރަށް ފުޅާކުރުމަށްޓަކައި، 12 ބޯޓު ހޯދުމުގެ މަސައްކަތް ފަށައިފިއެވެ.
މަންޓާ އިންދޭ ޚިދުމަތްތައް އިތުރަށް ފުޅާކުރުމަށް 12 ޑީ.އެޗް.ސީ 6، ޓުވިން އޮޓޯ އެއަރ ކްރާފްޓް ކުއްޔަށް ނުވަތަ ގަންނަން އެ ކުންފުނިން ވަނީ އިއުލާންކޮށްފައެވެ. އަދި މިކަމަށް ޝައުގުވެރިވާ ފަރާތްތަކުން އެކްސްޕްރެޝަން އޮފް އިންޓްރެސްޓު އަންނަމަހުގެ 15 ވަނަ ދުވަހުގެ ކުރިން ހުށަހެޅުމަށްވެސް އެ އެއަރލައިނުން ބުނެއެވެ.
މަންޓާގެ ސީ-ޕްލޭން ފްލީޓުގައި މިހާރު 16 އެއަރކުރާފްޓު އޮވެއެވެ. މަންޓާއިން ބުނީ އިތުރަށް 12 ސީޕްލޭން ހޯދުމުގެ މަސައްކަތްކުރަނީ ޑިމާންޑާއި އެއްވަރަށް ޙިދުމަތް ދިނުމަށް ކަމަށެވެ.
މަންޓާއިން މިހާރުދަނީ ރާއްޖޭގެ 17 ރިސޯޓަކަށް އުދުހުންތައް ބާއްވަމުންނެވެ. އެހެންނަމަވެސް ކުރިއަށް އޮތްތަނުގައި އިތުރު ރިސޯޓުތަކަށް އުދުހުންތައް ބޭއްވުމަށް މަންޓާއިން ދަނީ ތައްޔާރުވަމުންނެވެ.
މަންޓާ އެއަރއަކީ ރާއްޖޭގައި އެންމެ ފަހުން ލޯންޗުކުރި އެއަރލައިނެވެ. މި އެއަރލައިނަކީ ޔުނިވަރސަލް އެންޓަޕްރައިސްއާއި ރިއޯލޯ އިންވެސްޓްމެންޓް ގުޅިގެން ކުރިއަށް ގެންދާ ކުންފުންޏެކެވެ.
Advertisement
This content is created and paid for by advertisers and does not involve Voice Journalists
