ރ. އަތޮޅަކީ އޮންނަ އަތޮޅެއްކަންވެސް ބަޔަކަށް އެނގުނީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވެރިކަމަށް ވަޑައިގަތުމަށްފަހު ކަމަށް މަޖިލީހުގެ ދުވާފަރު ދާއިރާގެ މެމްބަރު އިސްމާއިލް އަހުމަދު ވިދާޅުވެއްޖެ އެވެ. 

މެމްބަރު އިސްމާއިލް އެފަދައިން ވިދާޅުވެފައިވަނީ ރައީސް ސޯލިހު ރ އަތޮޅަށް ކުރައްވާ ދަތުރުފުޅުގައި އެ އަތޮޅު މީދޫގައި ބޭއްވި އެމަނިކުފާނުގެ ކެމްޕޭނު ޖަލްސާއެއްގައި ވާހަކަދައްކަވަމުން ނެވެ. 

އެގޮތުން މެމްބަރު އިސްމާއިލް ވިދާޅުވީ ވޭތުވެ ދިޔަ ވެރިކަންތަކުގައި ރ އަތޮޅަކީ ވަރަށް ބޮޑަށް އެކަހެރިކޮށް ބާކީކޮށްފައި އޮންނަ އަތޮޅެއްކަމަށެވެ. 

Advertisement

އެހެން ނަމަވެސް ރައީސް ސޯލިހު ވެރިކަމަށް ވަޑައިގެން، ފާއިތުވި 4 އަހަރު ތެރޭގައި ރ އަތޮޅަށް ބޭނުންވާ ވަރަށް ގިނަ ކަންކަން ފުއްދަވާދެއްވާފައި ވާކަމަށް އޭނާ ވިދާޅުވިއެވެ. 

މެމްބަރު އިސްމާއިލް ވިދާޅުވީ ރައީސް ސޯލިހަކީ ތަފާތު ލީޑަރެއްކަމަށެވެ. އަދި ތަފާތު ދައްކަވަމުން އަންނަ ލީޑަރެއް ކަމަށެވެ. 

ރ އަތޮޅާއި މުޅި ރާއްޖެއަށް އެމަނިކުފާނު ގެނެސްދެއްވަމުން އަންނަ ކުރިއެރުންތައް އެގޮތުގައި ދެމެހެއްޓުމަށް މި ޕްރައިމަރީ އެމަނިކުފާނަށް ކާމިޔާބުކޮށްދީ، ދެވަނަ ދައުރެއް އެމަނިކުފާނަށް ހޯއްދަވާދެއްވުމަކީ ލާޒިމު ކަމެއްކަމަށް އޭނާ ވިދާޅުވިއެވެ.