އިންތިހާބާއި ދިމާކޮށް ވިޔަސް، އިންތިހާބުގެ ކުރިންނާ ފަހުންވިޔަސް ހެޔޮ ވާހަކަ ދައްކާ މީހުން އެ ޒިންމާ އަދާކުރާނެ ކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން ވިދާޅުވެއްޖެއެވެ.
ރިޔާސީ އިންތިޚާބު ކައިރިވެފައިވާއިރު، ފަހަކަށް އައިސް މާނަފުން އަދި ސިޔާސީ އެތައް ޓުވީޓެއް ޢިމްރާން އާއި އަދާލަތު ޕާޓީގެ އެކްޓިވިސްޓުން އަންނަނީ ކުރަމުންނެވެ. އެކަމާއި ގުޅިގެން ގިނަބައެއްގެ ފާޑުކިޔުންތައް އެޕާޓީގެ މީހުންނަށް އަމާޒުވަމުންދާއިރު އެކަމަށް ރައްދު ދެއްވައި އިމްރާން ކުރެއްވި ޓްވީޓެއްގައި ވިދާޅުވީ، އިންތިހާބާއި ދިމާކޮށް ވިޔަސް، އިންތިހާބުގެ ކުރިންނާ ފަހުންވިޔަސް ހެޔޮ ވާހަކަ ދައްކާ މީހުން އެ ޒިންމާ އަދާކުރާނެ ކަމަށެވެ.
"ބަޔަކު މީހުންނަށް އަޑު އެހުމުގެ ގާބިލުކަން ނެތުން އެއީ މުޅިން ތަފާތު ކަމެއް" ޢިމްރާން ވިދާޅުވިއެވެ.
ރިޔާސީ އިންތިޚާބާއި ދިމާކޮށް ފުލުފުލުން ގިނަ ޓުވީޓް ތަކެއް އިމްރާން ކުރައްވަމުން އަންނައިރު، އަދާލަތު ޕާޓީން އިންތިޚާބުގައި ކޯލިޝަން ހަދާނެ ޕާޓީއެއް އަދި ހާމަކޮށްފައެއް ނުވެއެވެ.
އެހެންނަމަވެސް، އިމްރާން އާއި، އެޕާޓީގެ އެކްޓިވިސްޓުން އަންނަނީ ސިދާކޮށާއި ނުސީދާކޮށް ވެސް އަދުގެ ސަރުކާރަށް ތާއީދުކޮށް އިދިކޮޅު ޕީޕީއެމަށް ފާޑުކިޔަމުންނެވެ.
Advertisement
This content is created and paid for by advertisers and does not involve Voice Journalists
