މާތް ރަސްކަލާނގެ އިރާދަފުޅާއި މިންވަރު ފުޅުން ދިވެހި ގައުމު މި ވަގުުތައް ސަލާމަތް ވެއްޖެކަމަށް މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅު ވެއްޖެއެވެ.
އިއްޔެގައި ބޭއްވުނު އެމްޑީޕީގެ ރިޔާސީ ޕްރައިމަރީއާއި ގުޅިގެން ކުރި ޓްވީޓެއްގައި އިބްރާހިމް ޝަރީފް ވިދާޅުވެފައިވަނީ މަސައްކަތް އޮތީ އަދި ކުރިއަށްކަމަށެވެ.
ޕްރައިމަރީގެ ވަގުތީ ނަތީޖާ މިހާރު އިއުލާން ކޮށްފައިވާއިރު އިންތިޚާބު ގެ ނަތީޖާ ދައްކާގޮތުން ރައީސް ޞާލިހަށް ލިބިފައިވަނީ %61 ވޯޓެވެ. އަދި އިންތިޚާބު ގައި އެމަނިކުފާނާއި ވާދަކުރެއްވި އެމްޑީޕީގެ ރައީސް މުހައްމަދު ނަޝީދަށް ލިބިފައިވަނީ %39 ވޯޓެވެ.
މިކަމާއިި ގުޅިގެން ޝަރީފް ވަނީ ރައީސް ސާލިހް އަށް މަރުހަބާ ކިޔައިފައެވެ. އެއާއިއެކު މި ދަތި އުނދަގޫ ވަގުތުގައި އެމަނިކުފާނުގެ ސަރުކަރުން ހާސިލްކުރައްވާފައިވާ ކަނތައްތައް އެމްޑީޕީގެ މެމްބަރުން ގަބޫލް ކުރައްވާފައިވާ ކަމަށް ވިދާޅުވެފައިވެއެވެ.
އަދިި ޝަރީފް ވަނީ ވަރަށް ބޮޑެތި ގޮންޖެހުން ތަކާ، ކުރިމަތިވި ފުރައްސާރަ އާއި އުނދަގޫ ގިރާކޮށް ރައީސް ޞާލިހް މަރަދޫ ދާއިރާގެ ކެމްޕެއިންނަށް ކުރި ބުރަ މަސައްކަތް ފާހަގަ ކޮށް ހައްގު ޝުކުރު އަދާ ކުރައްވާފައެވެ.
އޭނާ މިހެން ވިދާޅުވެފައިވަނީ ޕްރައިމަރީއަށް ކެންޕެއިން ކުރުމަށްް މަރަދޫ އަށް ވަޑައިގެންއިރު ޕީޕީއެމްގެ ރިޔާސީ ކެންޑިޑޭޓް ކުރީގެ ރައީސް ޔާމީން މިނިވަން ކުރުމަށް ގޮވާލައި އެރަށު ރައްޔިތުން ކުރި މުޒާހަރާއާއި ގުޅިގެންނެވެ.
މީގެ އިތުރުން އިބޫ އަކީ އެހެން މީހުންގެ ޙިޔާލުތައް އަޑު އައްސަވާ އަދި ކަންކަން ނިންމުމުގައި އެޙިޔާލުތައް ވިސްނުމަށް ގެންނަވައި، މަޑުމައިތިރި އަދި ވިސްނޭ ބޭފުޅެއްކަމަށް އޭނާ ކުރި އެހެން ޓްވީޓެއްގައި ވަނީ ފާހަގަކުރައްވާފައެވެ.
"މި ގައުމަށް ބޭނުންވާ އަމާންކަމާއި ސުލްހަވެރިކަން އެމަނިކުފާނު ގެންނަވާ. މިފަދަ ހާލަތެއް ނެތްނަމަ އެއްވެސް މީހަކަށް ކުރިއެރުމެއް ނުލިބޭނެ." ޝަރީފް ވިދާޅުވެފައިވެއެވެ.
Advertisement
This content is created and paid for by advertisers and does not involve Voice Journalists
