- "Comet c/2022 E3"  ގްރީން ކޮމެޓް ބަލާލަން ބެނުންވާ މީހުންނަށް، ޖައްވާއި ބެހޭ ކަންކަން ކުރި އަރުވަން މަސައްކަތް ކުރަމުންދާ ކުންފުންޔެއް ކަމުގައިވާ ސްޕޭސްކެޓް ގެ ފަރާތުން ހާއްސަ ސެޓަޕްއެއް މާލެއާއި ހުޅުމާޅޭގައި ބަހައްޓާނެ ކަމަށް ވަނީ ބުނެފައެވެ.

އެގޮތުން ކޮންމެ 50000 އަހަރަކުން އިރު ވަށާ ދައުރު ކުރާ މި ދުންތަރި މާލެ ސަރަހައްދުގައި ބަލާލުމުގެ ފުރުސަތު އޮންނާނީ 31 ޖެނުއަރީ 2023 ގެ ރޭގަނޑު 8:00 ފެށިގެން މަސްވެރިންގެ ޕާކްގައެވެ.

އަދި ހުޅުމާލެއިން މި ދުންތެރި ބަލާލުމުގެ ފުރުސަތު 1 ފެބްރުއަރީ 2023 ގެ ރޭގަނޑު 20:00 އިން ފެށިގެން ފޭސް 2 ގެ ވޯލްޑް ކަޕް ބެލި ސަރަހައްދުގައި އޮންނާނެއެވެ.

Advertisement

މީގެ އިތުރުން ސްޕޭސްކެޓް އިން ބުނެފައިވަނީ ފެބްރުއަރީ މަހުގެ 8 ވަނަ ދުވަހާ ހަމައަށް ރާއްޖޭގެ އެކި ހިސާބުތަކަށް މި ދުންތަރި ފެންނާނެ ކަމަށާއި އުޑުމަތި އަނދިރި ކޮށް އޮންނަ ސަރަހައްދު ތަކުން ހަމަލޮލަށްވެސް ކޮމެޓް ފެންނާނެ ކަމަށެވެ.

އަދި މިބުރަށް ފަހު އެ ދުންތަރި އަނެއްކާވެސް ދުނިޔެއަށް ފެންނާނީ މީގެ 50000 އަހަރު ފަހުން ކަމަށެވެ.

މި ހަރަކާތާއި ގުޅޭ އިތުރު މައުލޫމާތު ހޯއްދެވުމަށް ސްޕޭސްކެޓް އެމްވީ އަށް +9609674222 ގުޅުއްވާށެވެ.