Voice.mv - ސައިންސް

ސައިންސް

ދުނިޔެ ކުރިއަށް ދާއިރު ރާއްޖެ އޮތީ ކޮންހިސާބެއްގައި؟

އާޓިފިޝަލް އިންޓެލިޖެންސް (އޭއައި) އަކީ ކޮމްޕިއުޓަރުތަކަށް އިންސާނުން ވިސްނާ ގޮތަށް ވިސްނުމުގެ ޤާބިލުކަން ދޭ ޓެކްނޮލޮޖީއެކެވެ. މިއަދު ޗައިނާ އާއި އެމެރިކާ ފަދަ ދުނިޔޭގެ ގިނަ ޤައުމުތަކުން އެ ޤައުމުތަކުގެ ކުޑަކުދީންނަށް މި ޓެކްނޮލޮޖީގެ އަސާސީ ހުނަރުތައް ދަސްކޮށްދޭން ފަށައިފިއެވެ. ދިވެހިރާއްޖެއަށް ބަލާއިރު ޑިޖިޓަލް ދާއިރާ ކުރިއެރުވުމަށް ބޮޑެތި ފިޔަވަޅުތައް އަޅަމުން ދިޔަ ނަމަވެސް ސާނަވީ މަރުހަލާގެ ކިޔެވުމުގެ ތެރެއަށް އޭއައި މާއްދާއެއް ރަސްމީކޮށް ހިމެނުމާ ހަމައަށް އަދި ވާޞިލެއް ނުވެވެއެވެ. މި ލިޔުމުގައި ބަލައިލާނީ ދުނިޔެ މިކަމުގައި ގޮސްފައިވާ ހިސާބާއި ރާއްޖެއިން މިހާތަނަށް އެޅި ފިޔަވަޅުތަކާއި ކުރިއަށް އޮތީ ކޮން ކަމެއްތޯއެވެ.

އަޙްމަދު އާހިލް ސަޢީދު, ވޮއިސް

ހާޓް އެޓޭކް ޖެހޭ މީހުންގެ ލޭގައި މައިކްރޯޕްލާސްޓިކް ހުންނަ މިންވަރު އިތުރު

ނުރައްކާތެރި ބާވަތުގެ ހާޓް އެޓޭކެއް ކަމަށްވާ "އެސްޓީ-އެލިވޭޝަން މައޮކާޑިއަލް އިންފާކްޝަން" (ސްޓެމީ) ޖެހޭ މީހުންގެ ހިތުގެ ލޭހޮޅިތަކުގައި، އާދައިގެ ސިއްހަތެއްގައި ހުންނަ މީހުންނާއި ހިތުގެ އެހެނިހެން ދާއިމީ ބަލިތައް ހުންނަ މީހުންނަށް ވުރެ މައިކްރޯޕްލާސްޓިކާއި ނެނޯޕްލާސްޓިކް ހުންނަ މިންވަރު އިތުރުކަން އައު ދިރާސާއަކުން ދައްކައިފިއެވެ.

އައިފޯނުގެ "ޑާންސިންގ ޑޮޓްސް"؛ ދަތުރުމަތީގައި ބޯއެނބުރުމަށް އޮތް ހައްލެއް؟

މި ތިކިތަކަކީ އައިފޯނުގެ ސެޓިންގްސްގައި ހިމެނޭ "ވެހިކަލް މޯޝަން ކިއުސް" ނަމަކަށް ކިޔާ ފީޗަރެކެވެ. މި ފީޗަރުން ފޯނުގައި ހުންނަ 'އެކްސެލެރޯމީޓަރު' ބޭނުންކޮށްގެން، އުޅަނދު ދަތުރުކުރާ މިސްރާބަށް ސްކްރީނުގައިވާ ތިކިތައް ހަރަކާތްތެރި ކުރުވައެވެ. މިސާލަކަށް ކާރު ކަނާތަށް އަނބުރާލައިފިނަމަ، ސްކްރީނުގައިވާ ތިކިތައް ވެސް އެއާ އެއްގޮތަށް ދަތުރުކުރާނެއެވެ.

ޓެކްނޮލޮޖީގެ ސަބަބުން ތިމާގެ ހަށިގަނޑަށްވެސް ބަދަލުތައް އަންނަކަން އެނގޭތަ؟

ފަހުގެ ދިރާސާތަކުން ދައްކާ ގޮތުގައި، ޓެކްނޮލޮޖީގެ ސަބަބުން އަޅުގަނޑުމެންގެ ހަށިގަނޑުގެ ބައްޓަމަށާއި ފިޒިކަލް ހެލްތަށް އަންނަ ބަދަލުތަކަކީ މާ ނުރައްކާތެރި ބަދަލުތަކެކެވެ.

ބައެއް މީހުންގެ ގައިގައި މާ ގިނައިން މަދިރި ހަފަނީ ކީއްވެ؟

ދުނިޔޭގެ ކޮންމެ ތަނަކަށް ދިޔަޔަސް، އެކުގައި އުޅޭ އެހެން މީހުން ދޫކޮށްލުމަށްފަހު ވަކި މީހެއްގެ ގައިގައި މާ ގިނައިން މަދިރި ހަފާ މައްސަލައަކީ ގިނަ ބަޔަކު ކުރާ ޝަކުވާއެކެވެ. ބައެއް މީހުން ބުނާ ގޮތުގައި އެމީހުންނަކީ "މަދިރި ދަމާ މެގްނެޓެއް" ފަދަ ބައެކެވެ.

ހަނދާން ނެތުމާއި، ސަމާލުކަން ނުދެވުމުގެ މައްސަލައިން އަރައިގަތުން

ދިރިއުޅުމުގެ ކަންކަމުގައި އުޅޭއިރު ބުރަބޮޑުވެ، މަސައްކަތުގެ މާހައުލާއި އަމިއްލަ ދިރިއުޅުމުގެ ޒިންމާތައް އިތުރުވާ ވަގުތުތަކުގައި، ބައެއް ފަހަރު ވިސްނުން ފުސްވެ، ކަންކަމަށް ސަމާލުކަން ދޭން އުނދަގޫވާ ހާލަތަކަށް ދެވޭގޮތްވެއެވެ. މިއީ "ބްރެއިން ފޮގް“ އެވެ. މިއީ ވަކި ބައްޔެއް ނޫން ނަމަވެސް، ސަމާލުކަން ދިނުމާއި، ހަނދާން ބެހެއްޓުމާއި، ވިސްނުމުގެ ބާރު ދަށްވުން ފަދަ ކަންކަން ހިމެނޭ ޞިއްޙީ ހާލަތެކެވެ.

ރިކޯޑް އަގަކަށް ވިއްކާލި މި ’ޓީ-ރެކްސް‘ ކަށިގަނޑުގެ ނަން އެނގޭތަ؟

ޖުލައި 2026 ގައި ސޯތަބީސް އޮކްޝަން ހައުސްއިން ބޭއްވި ނީލަމެއްގައި، 67 މިލިއަން އަހަރުވީ، ”ގަސް“ ނަމަކަށް ކިޔާ މި ކަށިގަނޑު ވިއްކާލާފައިވަނީ 50.1 މިލިއަން އެމެރިކާ ޑޮލަރަށެވެ. މިއީ މިހާތަނަށް ނީލަމެއްގައި ޑައިނަސޯގެ ކަށިގަނޑެއް ވިއްކާލި އެންމެ ބޮޑު އަގެވެ.

ފަލަކީ އިލްމުވެރިން, ފުރަތަމަ ފަހަރަށް ފަޒާގެ ތެރެއިން ހަކުރު ހޯދައިފި

"އެރިތްރިއުލޯސް"ގެ ނަމުން ނަންދެވިފައިވާ މި ހަކުރަކީ އާންމުކޮށް ރާސްބެރީ ފަދަ މޭވާތަކުން ފެންނަ، ހަތަރު ކާބަން އެޓަމް އެކުލެވޭ މާއްދާއެކެވެ.

އެންގޯލާގެ ލިސީމާ ޕްލެޓޯއިން ސައިންސްވެރިން އާ ދިރުންތަކެއް ހޯދައިފި

އެންގޯލާގެ ލިސީމާ ޕްލެޓޯއަށް ސައިންސްވެރިން ކުރި ދިރާސާ ދަތުރެއްގައި، މީގެ ކުރިން ފެނިފައިނުވާ ތަފާތު ބާވަތްތަކުގެ ދިރުންތަކެއް ހޯދައިފިއެވެ.

ފްލޮރިޑާގައި، 32 މިލިއަން "ރަނގަޅު" މަދިރި ދޫކުރުމަށް ގޫގުލް އިން ހުށަހަޅައިފި

އެމެރިކާގެ ފްލޮރިޑާ ސްޓޭޓުގައި ބަލިތައް ފަތުރާ މަދިރީގެ އާބާދީ ކޮންޓްރޯލްކޮށް، ނުރައްކާތެރި ބަލިތައް މަދުކުރުމުގެ މަގުސަދުގައި ކުރިއަށް އޮތް ދެ އަހަރު ދުވަހުގެ ތެރޭގައި 32 މިލިއަން "ރަނގަޅު" މަދިރި ދޫކުރުމުގެ ހުއްދައަކަށް ގޫގުލް އިން އެދިއްޖެއެވެ.

ލެޖެންޑް ބަޔޯޓެކްގެ އައު ތެރަޕީން ކެންސަރު ބަލިމީހުންނަށް އުންމީދީ ނަތީޖާއެއް

ލެޖެންޑް ބަޔޯޓެކް އިން އުފައްދާފައިވާ، ހަށިގަނޑުގެ ތެރޭގައި ބައްޔާ ހަނގުރާމަކުރާ ސެލްތައް އުފައްދައިދޭ ތަޖުރިބާކާރު ތެރަޕީއަކުން، ލޭގެ ކެންސަރުގެ ބާވަތެއް ކަމަށްވާ ބީ-ސެލް ނޮން-ހޮޖްކިން ލިމްފޯމާ ހުންނަ މީހުންނަށް އުންމީދީ ނަތީޖާތަކެއް ދައްކައިފިއެވެ.