ފުލުހުން ބަލަމުންދާ މައްސަލައެއްގެ ތަހުގީގަށް ބިދޭސީއަކު ހާޒިރުވުމަށް އަންގައި އިއުލާން ނެރެފިއެވެ.

އެގޮތުން މިއަދު ފުލުހުން ނެރުނު އިއުލާނެއްގައި ވަނީ ހުޅުމާލެ ފޭސް 1 ޕޮލިސް ސްޓޭޝަނަށް ހުށަހެޅި ތަހުގީގު ކުރަމުންދާ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ކަމަށާއި ސްޕޮންސަރ އަށްވެސް އޭނާ އުޅޭ ވަކިތަނެއް އެނގިފައި ނުވާކަމަށެވެ.

މިކަމާއި ގުޅިގެން ފުލުހުން ވަނީ ޖިނާއީ މައްސަލަތައް ތަހުގީގު ކުރުމުގައި އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާގޮތުގެ މަތިން ތަހުގީގަށް ހާޒިރުވުމަށް އަންގައި އިއުލާނު ނެރެފައެވެ.

Advertisement

ހާޒިރު ވުމަށް އަންގާފައި ވަނީ ބަންގްލަދޭޝްގެ ރައްޔިތެއްކަމަށްވާ ޝަހީދުލް ޙައްގު (41އ)އެވެ. އެނާގެ ޕާސްޕޯޓް ނަންބަރަކީ EB0078625 އެވެ.

އެނާ ހާޒިރު ކުރެވޭ ހައިސިއްޔަތެއްގެ ގޮތުގައި ޕޮލިހުން ބުނެފައިވަނީ މައްސަލައެއްގެ ތަހުގީގުގައި ސުވާލުކުރުމަށް އަދި މައުލޫމާތު ސާފުކުރުމަށް ކަމަށެވެ.

އެނާ ހާޒިރު ވާން ޖެހެނީ 2023 ފެބްރުއަރީ 19 ވަނަ ދުވަހުގެ 10:00 އަށް ހުޅުމާލެ ޕޮލިސް ސްޓޭޝަނަށެވެ.