ރިޔާސީ އިންތިހާބުގައި ކޯލިޝަނެއް އުފައްދަން އެހެންބަޔަކު އެއްބަސްކުރުވޭނީ، އަމިއްލަ ޕާޓީގެ އެތެރެ އެއްބައި ކުރުމުގެ އުރައްޕެއް ހުރެގެން ކަމަށް ވިދާޅުވެ ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުހައްމަދު ވަހީދު، ރައީސުލްޖުމްހޫރިއްޔާ އަދި އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ޞާލިހަށް ފާޑުވިދާޅުވެއްޖެއެވެ.
ކުރިއަށް އޮތް ރިޔާސީ އިންތިހާބުގައި އެހެން ޕާޓީތަކާއި އެކު ކޯލިޝަން ހެދުމަށް މަޝްވަރާ ކުރުމުގެ ބާރު ރައީސް ޞާލިހަށް އެމްޑީޕީން ދީފައިވާއިރު އެމަނިކުފާނު ވަނީ އެ އިންތިހާބުގައި އެމަނިކުފާނާއި އެކު ކޯލިޝަން ހަދައިގެން ކުރިއަށް ދިޔުމަށް އެދި އެމަނިކުފާނު ވަނީ މިހާރުގެ ކޯލިޝަން ގައި ހިމެނޭ ޕާޓީތަކަށް ސިޓީއެއް ފޮނުއްވާފައެވެ.
އެކަމާއި ގުޅިގެން، އެމްޑީޕީގެ ރައީސް މުހައްމަދު ނަޝީދުގެ ފެކްޝަނުގައި ހިމެނިވަޑައިގަންނަވާ ގިނަ މެންބަރުންގެ ނުރުހުން އެމަނިކުފާނަށް ވަނީ އަމާޒުވެފައެވެ.
އެގޮތުން، އެކަމަށް ފާޑުވިދާޅުވެ ވަހީދު ކުރެއްވި ޓްވީޓެއްގައި ވިދާޅުވީ، ކޯލިޝަނެއް އުފައްދަން އެހެންބަޔަކު އެއްބަސްކުރުވޭނީ، އެންމެ ފުރަތަަމަ އަމިއްލަ ޕާޓީގެ އެތެރެ އެއްބައި ކުރުމުގެ އުރައްޕެއް ހުރެގެން ކަމަށެވެ.
އަދި މިހާރު ރައީސް ސޯލިހުގެ ފަހަތަށް ނޭރި ބަޔަކު، އިތުރު ދުވަސް ވާވަރަކަށް ޖެހޭނީ އިތުރަށް ފެޔަށް ކަމަށްވެސް އޭނާ ވިދާޅުވި އެވެ.
އެމްޑީޕީގެ އެތެރެ ވަރަށް ބޮޑަށް ދެބައިވެ، ޕާޓީ ދެ ފެކްޝަނަކަށް ބެހިފައިވާއިރު، އެ ޕާޓީގެ ރިޔާސީ ޕްރައިމަރީ ނާކާމިޔާބުވި ކެންޑިޑޭޓު، ރައީސް ނަޝީދު މިހާރު ވަނީ ޕާޓީގެ ތެރެއިން "ފިކުރެއްގެ ދިރުން" ނަމުގައި އެހެން ގޮތްޕެއް އުފައްދަވައި، އެ ގޮތްޕައް މެންބަރުން ހޯދުމުގެ މަސައްކަތް ފަށްޓަވާފައެވެ.
އަދި، އެމަނިކުފާނާއި އެމަނިކުފާނުގެ ފިކުރެއްގެ ދިރުމަށް ތާއީދު ކުރާ މެންބަރުން، އަންނަ ރިޔާސީ އިންތިހާބުގައި ރައީސް ޞާލިހުގެ ފަހަތްޕުޅަށް ނަރުއްވާނެ ފަދަ މޭރުމަކުން ވާހަކަ ދައްކަވައި، އިންތިޚާބުގައި ތާއީދުކުރާ ކެންޑިޑޭޓެއް ކަނޑައަޅާނީ ފަހުން ކަމަށްވެސް އެމަނިކުފާނު ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
