ޖުމްހޫރީ ޕާޓީގެ 4 ވަނަ ގައުމީ ކޮންފަރެންސް މިއަދު ފެށިގެން ގޮސްފައިވާއިރު، ކޮންގްރެސް ފެށުމުގެ ރަސްމިއްޔާތުގައި ވެރިކަންކުރާ މައި ޕާޓީ އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ބައިވެރިވެވަޑައިގެންފިއެވެ. 

މިއަދު މެންދުރު 2:30 ގައި، ފެށުނު ޖޭޕީގެ ކޮންގްރެސް ގައި 1000 އާއި ގާތްކުރާ އަދަދަކަށް ރާއްޖޭގެ އެކި ކަންކޮޅުތަކުން ޖޭޕީގެ މަންދޫބުން ވަނީ ބައިވެރިވެފަ އެވެ. 

އަދި އެ މަންދޫބުންގެ އިތުރުން ސިޔާސީ ޕާޓީތަކުގެ އިސްވެރިންނަށްވެސް ޖޭޕީގެ ގައުމީ ކޮންފަރެންސް ފެށުމުގެ ރަސްމިއްޔާތަށް ދައުވަތު ދެއްވާފައިވާ ކަމަށް އެންމެ ފަހުން ބޭއްވި އެ ޕާޓީގެ ނޫސްވެރިންގެ ބައްދަލުވުމުގައި ޕާޓީން ބުނެފައިވެއެވެ. 

Advertisement

"ރާއްޖޭގެ ހަމަ އިއްޒަތްތެރި ހުރިހާ ބޭފުޅުންނަށް އަޅުގަނޑުމެން ދައުވަތު އަރުވައިގެން އަދި ހުރިހާ ޕާޓީތަކަށްވެސް ދައުވަތު އަރުވައިގެން އަޅުގަނޑުމެންގެ ޑެލިގޭޓުންވެސް ހިމެނޭހެން މާދަމާގެ ރަސްމީ ދަންފަޅި ފެށިގެން ދާނީ." ޖޭޕީގެ ސެކެޓްރީ ޖެނެރަލް އާރިފް ނޫސްވެރިންގެ ބައްދަލުވުމުގައި ވިދާޅުވެފައިވެއެވެ. 

ޖޭޕީގެ އިސް ލީޑަރުންނާއި ރައީސް މުހައްމަދު ނަޝީދު ކޮންގްރެސް ފެށުމުގެ ރަސްމިއްޔާތުގައި-- ފޮޓޯ/ ޖޭޕީ

އެހެންކަމުން، ރައީސް ނަޝީދު ކޮންފަރެންސް ފެށުމުގެ ރަސްމިއްޔާތުގައި ބައިވެރިވެ ވަޑައިގެންފައި މިވަނީ އެ ހައިސިއްޔަތުން ކަމަށް ބެލެވެއެވެ. 

ރައީސް ނަޝީދުގެ އިތުރުން ޖޭޕީގެ ކޮންގްރެސް ގައި އެމްއާރުއެމް ގެ ރައީސް ފާރިސް މައުމޫން އާއި، އަދާލަތު ޕާޓީގެ ރައީސް އިމްރާން އަބްދުالله ވެސް ވަނީ ކޮންގްރެސް ގައި ބައިވެރިވެވަޑައިގެންފައެވެ.