ޗައިނާގައި މިއަދު ކުޅުނު ބައިނަލްއަގުވާމީ އެކުވެރިކަމުގެ ފުޓްބޯޅަ މެޗެއްގައި، ދިވެހިރާއްޖޭގެ ގައުމީ ޓީމާ ވާދަކޮށް ޗައިނާގެ ގައުމީ ޓީމުން 3-0 ގެ ނަތީޖާއަކުން މެޗު ކާމިޔާބުކޮށްފިއެވެ.
މި މެޗުގައި ޗައިނާއިން ލަނޑުތައް ޖަހާފައިވަނީ ފަހު ހާފުގައެވެ. މި މެޗުގެ ފުރަތަމަ ހާފްގައި ދިވެހިރާއްޖޭގެ ޓީމުން ވަނީ ޗައިނާ ކައިރީގައި ވަރަށް ރަނގަޅު ކުޅުމެއް ދައްކާފައެވެ. އީތަން އަދި އިލާން ނުލައި ރާއްޖެ ނުކުތް މި މެޗުގެ ފުރަތަމަ ހާފްގައި، ޗައިނާ ކުޅުންތެރިން ފޮނުވާލި ގިނަ ހަމަލާތައް ރާއްޖޭގެ ކީޕަރު ވަނީ ވަރަށް ހުށިޔާރުކަމާއެކު ދިފާއުކޮށްފައެވެ.
ނަމަވެސް، މެޗުގެ ފަހު ހާފްގައި ޗައިނާއަށް ވަނީ ތިން ލަނޑު ޖަހާފައެވެ. ޗައިނާއަށް މި ތިން ލަނޑު ވެސް ޖަހައިދިނީ އެޓީމުގެ ކުޅުންތެރިޔާ ޒިމިން އެވެ. ޒިމިން ވަނީ މިމެޗުގައި ހެޓްރިކެއް ހަދާފައެވެ.
މި މެޗަށްފަހު، ރަހުމަތްތެރިކަމުގެ މެޗުތަކެއްގައި ދިވެވެހިރާއްޖޭގެ ގައުމީ ޓީމު ދެން ބައްދަލުކުރާނީ ކިރިގިސްތާނާއި ލުބުނާނާ އާއެވެ.
Advertisement
This content is created and paid for by advertisers and does not involve Voice Journalists
