ޖުމްހޫރީ ޕާޓީއިން މިއަދާއި މާދަން ކުރިއަށް ގެންދާ އެ ޕާޓީގެ ގައުމީ ކޮންފަރެންސްގެ ޗެއާމަނަކަށް ކުރީގެ ޓުއަރިޒަމް މިނިސްޓަރު ޑރ މަޚުމޫދު ޝައުގީ އައްޔަންކޮށްފި އެވެ.
ކޮންފަރެންސްގެ ޗެއާކަމަށް ޝައުގީ އައްޔަން ކުރައްވާފައިވަނީ، އެ ކޮންފަރެންސްގައި ބައިވެރިވެވަޑައިގެންނެވި ހުރިހާ ބޭފުޅުންގެ އިއްތިފާގުންނެވެ. އޭގެ އިތުރުން ކޮންފަރެންސްގެ އިއްތިފާގުން ޝައުގީގެ ނައިބަކަށް ޖުމްހޫރީ ޕާޓީގެ އެޑްވައިޒަރު އަދި އަދި މަޖިލީހުގެ ވިލިފުށީ ދާއިރާގެ ކުރީގެ މެންބަރު ރިޔާޒް ރަޝީދު ވަނީ އައްޔަންކޮށްފަ އެވެ.
ޖުމްހޫރީ ޕާޓީގެ ގައުމީ ކޮންފަރެންސްގެ ތެރެއިން
ޖޭޕީގެ ގައުމީ ކޮންފަރެންސްގެ ތެރެއިން
މިއަދު ފެށި ޖޭޕީގެ ގައުމީ ކޮންފަރެންސްއަކީ ކުރިއަށް އޮތް ރިޔާސީ އިންތިޚާބަށް ތައްޔާރުވުމަށް ޕާޓީއިން މުހިންމު ނިންމުންތަކެއް ނިންމުމަށްޓަކައި ބާއްވާ އެ ޕާޓީގެ އެންމެ ބޮޑު ބައްދަލުވުމެވެ. މި ބައްދަލުވުމުގައި މިއަދު ވަނީ އެ ޕާޓީގެ އަސާސީ ގަވައިދަށް ގެންނަން ހުށައެޅި އިސްލާހުތައްވެސް ފާސްކޮށްފަ އެވެ.
އޭގެ އިތުރުން ކުރިއަށް އޮތް ރިޔާސީ އިންތިޚާބުގައި ޕާޓީއިން ވަކި ކެންޑިޑޭޓެއް ނެރެގެން ވާދަކުރުމަށްވެސް ކޮންފަރެންސްގެ ތެރެއިން ގޮތެއް ނިންމާނެއެވެ. އެކަމަށްޓަކައި ހުށައެޅިފައިވާ ގަރާރަށް މާދަން ބަހުސްކުރުމަށް ވަނީ އެޖެންޑާކޮށްފަ އެވެ.
ޖޭޕީގެ ގައުމީ ކޮންފަރެންސްގައި ރާއްޖޭގެ އެކި ކަންކޮޅުތަކުން ގާތްގަނޑަކަށް 900 މަންދޫބުން ބައިވެރިވާކަމަށް އެ ޕާޓީއިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
