ޖުމްހޫރީ ޕާޓީގެ މުހިންމު 3 މަގާމަށް ވޯޓާއި ނުލާ 3 ބޭފުޅުން އިންތިޚާބުވެއްޖެ އެވެ.
ޖުމްހޫރީ ޕާޓީގެ ޒުވާނުންގެ ލީގުގެ ރައީސްއާއި، ނައިބުރައީސް އަދި އަންހެނުންގެ ލީގުގެ ސެކެޓްރީގެ މަގާމަށް އެންމެ ބޭފުޅަކު ކުރިމަތިލައްވާފައިވާތީ އެ މަގާމުތަކަށް އޮޓޮއިން 3 ބޭފުޅުން އިންތިޚާބުވެއްޖެއެވެ.
އެގޮތުން ޖޭޕީގެ އަންނަ ދައުރުގެ ޒިވާނުންގެ ލީގުގެ ރައީސްކަމަށް އިންތިޚާބުވެފައިވަނީ އަބްދުالله ޔާމީނެވެ. ޒުވާނުންގެ ލީގުގެ ނައިބު ރައީސްގެ މަގާމަށް އިންތިޚާބުވެފައިވަނީ ޝުއައިބު ޝިފާޒް ޝަރީފެވެ. އަދި އަންހެނުންގެ ލީގުގެ ސެކެޓްރީގެ މަގާމަށް ހޮވިވަޑައިގެންފައިވަނީ އައިޝަތު ޝޫޒާ އަޙްމަދެވެ.
ޖުމްހޫރީ ޕާޓީން ވަނީ އެ ތިން ބޭފުޅުންނަށް ވަރަށް ހޫނު މަރުޙަބާއެް ދަންނަވާފަ އެވެ.
އޭގެ އިތުރުން ޖުމްހޫރީ ޕާޓީގެ ލީޑަރުކަމަށް ޤާސިމް އިބްރާހިމް ވަނީ ހޮވިވަޑައިގެންފަ އެވެ. ޤާސިމް ފިޔަވާ އިތުރުު ބޭފުޅަކު އެ މަގާމަށް ކުރިމަތިލައްވާފައި ނުވާތީ އަންނަ ދައުރުގެ ޖޭޕީގެ ލީޑަރުކަމަށް ހޮވިވަޑައިގެންފައިވަނީ ޤާސިމް އިބްރާހިމެވެ.
މި ކޮންފަރެންސްގައި ޖުމްހޫރީ ޕާޓީގެ 7 މަގާމަށް ބޭފުޅުން އިންތިޚާބުކުރައްވާނެ އެވެ.
Advertisement
This content is created and paid for by advertisers and does not involve Voice Journalists
