ޖުމްހޫރީ ޕާޓީގެ ގައުމީ ކޮންފަރެންސްއަށް އެ ޕާޓީގެ ސްލޮޓެއްގައި ނައިބު ރައީސްކަމުގައި ހުންނެވި ފައިސަލް ނަސީމަށް ދައުވަތު އަރުވާފައިވާކަމަށް އެ ޕާޓީން ބުނެފިއެވެ.
ސިޔާސީ ޕާޓީތަކުގެ ލީޑަރުންނާއި މަޖިލީސް މެންބަރުންނާއި އެކުވެރި ގައުމުތަކުގެ ސަފީރުންވެސް ބައިވެރިވެވަޑައިގެންނެވި ޖުމްހޫރީ ޕާޓީގެ ގައުމީ ކޮންފަރެންސް އިފްތިތާހު ކުރުމުގެ ރަސްމިއްޔާތަށް ނާއިބު ރައީސް ފައިސަލް ނަސީމަށް ދައުވަތު ދެއްވާފައި ނުވާ ކަމަށް ބުނެ ބައެއް ނޫސްތަކުން ވަނީ ރިޕޯޓުކޮށްފަ އެވެ.
އެހެން ނަމަވެސް ޖޭޕީން ވަނީ އެކަން ދޮގުކޮށްފަ އެވެ.
އެހެން ނަމަވެސް ޖުމްހޫރީ ޕާޓީގެ ތަރުޖަމާނު އަލީ ޞާލިހު ވަނީ އެކަން ދޮގުކުރައްވާފަ އެވެ.
އެގޮތުން ކޮންފަރެންސްގައި ބައިވެރިވެވަޑައިގަތުމަށް އެދި ޕާޓީގެ ލީޑަރު ޤާސިމް އިބްރާހިމް ނައިބުރައީސަށް ސިޓީފުޅެއް ފޮނުވާފައިވާކަމަށް އަލީ ޞާލިހު ވިދާޅުވި އެވެ. އަދި އެ ސިޓީފުޅުގައި ކޮންފަރެންސްގައި ބައިވެރިވުމަށް އެދިވަޑައިގެންފައި ވާކަމަށާއި، އަދި އެމަނިކުފާނު ބައިވެރިވެރި ވަޑައިގެންނެވުމަކީ ލިބޭޏެ ވަރަށް ބޮޑު އުފަލެއްކަމަށް ވިދާޅުވެފައިވާ ހާމަކުރެއްވި އެވެ.
ކޮންފަރެންސްގައި ބައިވެރިވެ ވަޑައިގެންނެވުން އެދި ޤާސިމް ނައިބުރައީސް ފައިސަލްއަށް ސިޓީ ފުޅެއް ފޮނުވާފައިވަނީ މި މަހުގެ 22 ގައެވެ.
އެހެން ނަމަވެސް ނައިބު ރައީސް ފައިސަލް ކޮންފަރެންސްގައި ބައިވެރިވެވަޑައެއް ނުގަންނަވައެވެ. އަދި އެމަނިކުފާނު ކޮންފަރެންސްގައި ބައިވެރިވެވަޑައި ނުގެން ސަބަބެއް އެނގިވަޑައި ނުގަންނަވާކަމަށް ޖޭޕީން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
