ޖުމްހޫރީ ޕާޓީ މިވަގުތު ރައީސް އިބްރާހިމް މުޙައްމަދު ޞާލިޙާއި އެކު ކޯލިޝަން ހެދުމަކީ ނާދިރު ކަމެއް ކަމަށް ޕީޕީއެމްގެ ނައިބް ރައީސް އަދި ނައިފަރު ދާއިރާގެ މެމްބަރު އަހްމަދު ޝިޔާމް ވިދާޅުވެއްޖެއެވެ.

ޝިޔާމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

ޝިޔާމް ވިދާޅުވީ، ސިޔާސީ މަޝްރަހުގެ ކުޅިބައި އެތުރެމުންދާ ގޮތުން އުއްމީދު އިތުރަށް އާލާ ކޮށްދޭ ކަމަށެވެ. އަދި މިވަގުތު ޖުމްހޫރީ ޕާޓީ ރައީސް ޞާލިހުއާއިއެކު 2023 ގެ އިންތިޚާބަށް ކޯލިޝަން ހެދުމަކީ ނާދިރު ކަމެއް ކަމަށެވެ. ޝިޔާމް ވަނީ ރައީސް ޔާމީންގެ ވިސްނުންފުޅު ހައިރާން ކުރުވާވަރަށް އަކުރުން އަކުރަށް ދިމާވާކަމަށް ވެސް ފާހަގަކޮށްފައެވެ.

Advertisement

"ސިޔާސީ މަސްރަހުގެ ކުޅިބައި އެތުރެމުންދާ ގޮތުން އުއްމީދު އިތުރަށް އާލާކޮށްދޭ، ޖުމްހޫރީ ޕާޓީ މިވަގުތު ރައީސް ޞާލިޙާއި  އެކު 2023 އަށް ކޯލިޝަން ހެދުމަކީ ނާދިރުކަމެއް، ރައީސް ޔާމީން ގެ ވިސްނުންފުޅު ހައިރާންކުރުވާވަރަށް އަކުރުން އަކުރަށް އެބަ ދިމާވޭ" ޝިޔާމް ވިދާޅުވެފައިވެއެވެ.

ޝިޔާމް މިހެން ވިދާޅުވެފައި މިވަނީ ޖުމްހޫރީ ޕާޓީގެ ޤައިމީ ކޮންގްރެސް ކުރިއަށްދާ ދަނޑިވަޅާއި ދިމާކޮށެވެ. އިއްޔެ ފެށިގެން ކުރިއަށްމިދާ ކޮންގްރެސްގައި ރިޔާސީ އިންތިޚާބުގައި އެޕާޓީއިން ޢަމަލު ކުރާނެ ގޮތެއް ނިންމާނެއެވެ. ކޯލިޝަން ހަދާނީތޯ ނުވަތަ ޕާޓީ އިން ކެނޑިޑޭޓެއް ނެރޭނީތޯ ނިންމައި އެކަން މިއަދި އިއްލާނު ކުރުމަށް ވަނީ ހަމަޖެހިފައެވެ.

މިހާރު ޢަދާލަތު ޕާޓީ އާއި ސަން ސިޔާމް ހިންގަވާ އެމްޑީއޭ އިން ވަނީ މި އަހަރު ބާއްވާ ރިޔާސީ އިންތިޚާބުގައި ރައީސް ޞާލިޙަށް ތާއީދު ކުރުމަށް ނިންމައި އެކަން އިއްލާނުކޮށްފައެވެ.

އެމްޑީޕީ އިން ރައީސް ޞާލިޙް ވާދަކުރައްވާއިރު އިދިކޮޅު ޕީޕީއެމް ޕީއެންސީ ކޯލިޝަން އިން ވަނީ ރައީސް ޔާމިން ޢަބްދުލް ޤައްޔޫމް ނެރުމަށް ނިންމައިފއެވެ. އަދި މިނިވަން ކެނޑިޑޭޓެއްގެ ގޮތުގައި ނުކުންނަވާނޭ ކަން އިއްލާނު ކުރައްވައި ޢުމަރް ނަސީރު ވެސް އަންނަނީ ކެމްޕެއިން ކުރައްވަމުންނެވެ.

ޝިޔާމް ޖޭޕީ އިން ރައީސް ޞާލިޙާއި އެކު ކޯލިޝަން ނުހަދާނެ ކަމަށް ވިދާޅުވިއިރު އިއްޔެ ޖޭޕީ ގެ ކޮންގްރެސްގައި ވަނީ ސަރުކާރުގެ ކާމިޔާބީތަކުގެ ކުރެޑިޓު އެ ޕާޓީއަށް ނުލިބޭތީ ޝަކުވާކުރައްވާފައެވެ.