ޖުމްހޫރީ ޕާޓީން އެ ޕާޓީގެ ލީޑަރު ޤާސިމް އިބްރާހިމް ކުރިއަށް އޮތް ރިޔާސީ އިންތިޚާބުގައި ވާދަކުރައްވަން ގައުމީ ކޮންފަރެންސްގެ އިއްތިފާގުން ފާސްކޮށްފިއެވެ. 

ކުރިއަށް އޮތް ރިޔާސީ އިންތިޚާބުގައި ވާދަކުރުމަށް ގޮވާލާ ހުށައެޅި ޤަރާރު މިހާރު ކުރިއަށްދާ އެ ޕާޓީގެ ގައުމީ ކޮންފަރެންސްގެ އިއްތިފާގުން ވަނީ ފާސްކޮށްފަ އެވެ. 

އެއާއެކު ޤާސިމް ރިޔާސީ ރޭހުގައި ވާދަކުރެއްވުމާމެދު ގޮތެއް ނިންމުމަށް ކައުންސިލަށް ހުށައެޅޭނެ އެވެ. ރަސްމީކޮށް ޤާސިމް ވާދަކުރައްވާނެކަން ނިންމަވާނީ ކައުންސިލްގެ އަގުލަބިއްޔަތުން ނެވެ. 

Advertisement

ޖުމްހޫރީ ޕާޓީގެ އަސާސީ ގަވައިދު ބުނާގޮތުން އެ ޕާޓީން ރިޔާސީ އިންތިޚާބުގައި ވާދަކުރާނަމަ، ކެންޑިޑޭޓެއްގެ ގޮތުގައި ނިކުންނަވާނީ ޕާޓީގެ ލީޑަރެވެ. 

ޖުމްހޫރީ ޕާޓީގެ ގައުމީ ކޮންފަރެންސްފައި ވަނީ ކުރިއަށް އޮތް ޖޭޕީގެ ދައުރަށް ޕާޓީގެ ލީޑަރުގެ މަގާމަށް އައްޔަންކުރައްވާފަ އެވެ. ޤާސިމް އެ މަގާމަށް އިންތިޚާބު ވެވަޑައިގެންފައިވަނީ ވޯޓާއި ނުލާ އޮޓޮއިންނެވެ. 

ޤާސިމް އިބްރާހިމު ވަނީ ޖޭޕީގެ ކެންޑިޑޭޓެއްގެ ގޮތުގައި 2008 ވަނަ އަހަރުގެ ރިޔާސީ އިންތިހާބާއި 2013 ވަނަ އަހަރުގެ ރިޔާސީ އިންތިޚާބުގައި ވާދަކުރައްވާފަ އެވެ. 2008 ވަނަ އަހަރު ގާސިމަށް ލިބިވަޑައިގަތީ ހަތަރު ވަނަަ އެވެ. ފަހުން 2013 ވަނަ އަހަރު ތިން ވަނަ އެވެ.

މިހާރު ވެރިކަން ކުރަމުންދާ އެމްޑީޕީ ކޯލިޝަން ސަރުކާރުގެ އެންމެ ބޮޑު ހިއްސާދާރަކީވެސް ޤާސިމް އިބްރާހިމެވެ. 

ޖުމްހޫރީ ޕާޓީން ރިޔާސީ އިންތިޚާބަށް ވާަދަކުރުމަށް ތާއީދު ކުރައްވާ ވާހަކަފުޅު ދެއްކެވި ގިނަ މެމްބަރުން ވިދާޅުވީ މިހާރު ރާއްޖޭގެ ސިޔާސީ މަޝްރަހު އޮތް ގޮތުން މި އިންތިޚާބަކީ ޖޭޕީއަށް ފުރުސަތު ބޮޑު އިންތިޚާބެއް ކަމަށެވެ.