ސަފާރީއެއްގައި ފަތުރުވެރިޔަކު ރޭޕް ކުރި މައްސަލައެއް ސޯޝަލް މީޑިއާގައި ފެންމަތިވެ އެ މައްސަލަ ފުލުހުން ބަލަން ފަށާފިއެވެ.
ރާއްޖެއަށް ޗުއްޓީ ހޭދަކުރުމަށް އައި ފަތުރުވެރިއެއް ސަފާރީއެއްގައި ރޭޕް ކުރި ކަމަށް ބުނެ ކިޔާދީފައިވާ ވާހަކަ އެއްގެ ސްކްރީންޝޮޓް ދަނީ ސޯޝަލް މީޑިއާގައ ދައުރު ވަމުންނެވެ.
އެގޮތުން ރާއްޖޭގައި ދިރިއުޅޭ ބިދޭސީންގެ ޕްރައިވެޓް ގްރޫޕެއްގެ ތެރޭގައި ކުރި ޕޯސްޓްގައި ވާގޮތުން އެރޭގެ 1 ޖަހާކަންހާއިރު ހުޅުމާލެ މަގުތިން ބިދޭސީ އަންހެނަކު ދުވެފަ އަންނަތަން ބިދޭސީ އަންހެން މީހާއަށާއި އޭނާގެ ރައްޓެހިންނަށް ފެނުނެވެ.
ފަތުރުވެރިޔާ އެމީހުން ކައިރިއަށް އައިސް ހުއްޓުމުން އޭނާއަށް އެހީވާން މަސައްކަތް ކުރުމުން ދާނެ މިސްރާބު އެހިއެވެ. ޕޯސްޓްގައި އެ ފަތުރުވެރިޔާއަށް ރަނގަޅަށް އިނގެރޭސި ނޭނގޭ ކަމަށާއި އޭނާ ހުރީ ތުރުތުރު އަޅާ ރޮވެން ކައިރި ވެފަ ކަމަށް ބުނެފައިވެއެވެ.
ޕޯސްޓް ކުރި ބިދޭސީ އަަންހެން މީހައާއި އޭނާގެ ރައްޓެހިންނާއިއެކު އެ ފަތުރުވެރިޔާ އިށީނދެ އޭނާގެ ގެއަށް ފޯރުކޮށްދިނުމަށް އެހީވާން ފެށިއެވެ. އަދި އެ ވަގުތު ވާހަކަ ދައްކަން ހުއްޓާ އޭނާއަށް ރޮވެން ފެށި އެހިސާބުން ސަފާރީގައި ރޭޕް ކުރި ވާހަކަ އެނގުނެވެ.
އެގޮތުން ފަތުރުވެރިޔާ ބުނީ އޭނާ ހޭ އެރި އިރު 5 ފިރިހެނުން ތިބި ކަމަށާއި އޭނާ އޮތީ ބަރަހަނާ ހާލުގައި ކަމަށާއި އަނިޔާ ކުރިކަމުގެ ނިޝާންތައް ހުރި ކަމަށެެވެ. މިކަން ބިދޭސީއަށާއި އޭނާގެ ރައްޓެހިންނަށް ފާހަގަ ކުރެވުން ކަމަށާއި އެފަތުރުވެރިޔާ ރޭޕް ކޮށްފައިވަނީ އޭނާއަށް މަސްތުވާތަކެތި ދިނުމަށް ފަހުގައި ކަމަށް ޝައްކު ކުރެވޭ ކަމަށް ވަނީ ބުނެފައެވެ.
މީގެ އިތުރުން އެ ފަތުރުވެރިޔާގެ ފައިސާ އަތުލިކަމަށާއި މޫދަށް އެއްލާލަފާނެތީ އޭނާ ވަރަށް ބިރުގަތް ކަމަށް ވެސް ބުނެފައިވެއެވެ.
ފަތުރުވެރިޔާ ކައިރި ފުލުހުންނަށް އެކަން ރިޕޯޓް ކުރުމަށް އެދުން ނަމަވެސް އެނާ ބުނީ "އަހަރެންނަކީ ފަތުރުވެރިއެއް. ފުލުހުން އަހަރެންގެ ވާހަކަ ގަބޫލްކޮށް އެހީވާނީ ކީއްކުރަން؟ އެމީހުންނަށް އަހަންނަށް ކޮށްދެވެނީ ކީއް؟" މިހެންނެެވެ.
އެހެންކަމުން ފުލުހުން ކައިރި ނުބުނުމަށް ނިންމި ނިންމުން ގަބޫލްކޮށް ފަތުރުވެރިޔާގެ ރައްޓެއްސެއް އޭނާ ބަލާ އަންނަންދެން ބިދޭސީ މީހާއާއި އޭނާގެ ރައްޓެހިން ތިބި ކަމަށް ބުނެފައިވެއެވެ.
މިކަމާއި ގުޅިގެން ފުލުހުންގެ މީޑިއާގެ އޮފިޝަލަކު ބުނެފައިވަނީ ސަފާރީއެއްގައި ފަތުރުވެރިއެއް ރޭޕް ކުރި މައްސަލަ ފުލުހުންނަށް ރިޕޯޓް ކޮށްފާ ނުވާ ކަމަށާއި ސަފާރީއެއްގައި ފަތުރުވެރިއެއް ރޭޕް ކުރި ކަމަށް ބުނާ މައްސަލައެއް ފުލުހުންގެ ސަމާލުކަމަށް އައުމާއި ގުޅީގެން ބަލަންޖެހޭ ކަނަްކަން ދަނީ ބަލަމުން ކަމަށެވެ.
Advertisement
This content is created and paid for by advertisers and does not involve Voice Journalists
