ޖުމްހޫރީ ޕާޓީގެ ގައުމީ ކޮންފަރެންސް ނިންމުމުގެ ރަސްމިއްޔާތުގައި އެޕާޓީގެ އެޑްވައިޒަރުންގެ މަގާމްގައި ތިއްބަވާނެ ބޭފުޅުން އައްޔަންކޮށްފިއެވެ.

އެގޮތުން ލީޑާރުގެ ސްޕެޝަލް އެޑްވައިޒަރުގެ މަގާމްއަށް ހަމަ ޖެހިފައިވާ ވަނީ ކުރީގެ ނައިބު ރައީސް އަބްދުالله ޖިހާދުއެވެ.

މީގެ އިތުރުން އަލަށް އައްޔަން ކުރެވިފައިވަނީ:

Advertisement

1. ގެމަނަފުށި ދާއިރާގެ ކުރީގެ މެމްބަރު އިލްޙާމް އަޙްމަދު

2. ވިލުފުށި ދާއިރާގެ ކުރީގެ މެމްބަރު ރިޔާޒް ރަޝީދު

3. ވިލިމާލެ ދާައިރާގެ ކުރީގެ މެމްބަރު އަޙްމަދު ނިހާން ހުސެއިން މަނިކު

4. ކުރީގެ ހޯމް މިނިސްޓަރ އަޒްލީން އަޙްމަދު

5. ކުރީގެ ކޮމިޝަނަރ އޮފް ޕޮލިސް އަބްދުالله ނަވާޒް

އެޑްވައިޒަރުގެ މަގާމްގެ އިތުރުން ޕާޓީގެ ޑެޕިއުޓީ ލީޑަރުންގެ މަގާމަށް ވެސް 5 ބޭފުޅަކު ވަނީ މިހާރު ވަނީ އައްޔަން ކޮށްފައެވެ.

އެގޮތުން، މަގާމަށް ކުރިމަތި ލެއްވި ބޭފުޅުންގެ ތެރެއިން އެންމެ ގިނަ ވޯޓު ލިބިފައިވަނީ ގާސިމް އިބްރާހިމްގެ އަނބިކަނބަލުން އަދި ޓްރާންސްޕޯޓް މިނިސްޓަރު އާއިޝަތު ނަހުލާއެވެ. ނަހުލާ އާއި ޖެހިގެން ދެން ނައިބު ލީޑަރުންނަށް ހޮވިވަޑައިގަތީ ކުރީގެ ޓްރާންސްޕޯޓް މިނިސްޓަރު އަދި ޖޭޕީގެ ކުރީގެ ނައިބު ރައީސް އަމީން އިބްރާހިމް، ޖޭޕީގެ ކައުންސިލްގައި މިހާރު ވެސް ހިމެނިވަޑައިގަންނަވާ އިގްބާލް އާދަމް، ޖޭޕީގެ ކުރީގެ ނައިބު ރައީސް އަހުމަދު ސައުދު އަދި ފުވަމުލަކު އުތުރު ދާއިރާގެ ކުރީގެ މެންބަރު އަލީ ޝާހް އެވެ.

ޖުމްހޫރީ ޕާޓީން ވަކި ކެންޑިޑޭޓެއް ނެރެގެން ނުވަތަ ޖުމްހޫރީ ޕާޓީ އިސްވެ އޮވެ ހިންގާ ކޯލިޝަނަކާއެކު ކުރިއަށް އޮތް ރިޔާސީ އިންތިޚާބުގައި ވާދަކުރުމަށް އެ ޕާޓީގެ ޤައުމީ ކޮންފަރެންސްގެ އިއްތިފާގުން ވަނީ ފާސްކޮށްފަ އެވެ. އަދި އެކަމާއި މެދު ރަސްމީކޮށް ގޮތެއް ނިންމުމަށް ޕާޓީގެ ކައުންސިލަށް ހުށައެޅުމަށް ވަނީ ލަފާދެއްވާފަ އެވެ.