މިދިޔަ މަހުވެސް އެންމެ ގިނައިން ރިޕޯޓް ކުރެވިފައިވަނީ ވައްކަމުގެ މައްސަލަަތައް ކަމަށް ދިވެހި ފުލުހުންގެ ޚިދުމަތުން އާންމު ކުރި ތަފާސްހިސާބުތަކުން ދައްކައިފިއެވެ.

ކޮންމެ މަހަކުވެސް ފުލުހުންގެ ޚިދުމަތުން އާންމު ކުރާ ތަފާސްހިސާބުގެ ތެރެއިން މިދިޔަ ފެބްރުއަރީ މަހުގެ އާންމު ކޮށްފައިވާ ތަފާސް ހިސާބުތަކުން ދައްކާގޮތުން ޖުމްލަ 1022 މައްސަލަ ރިޕޯޓްކޮށްފައިވެއެވެ.

 މީގެ ތެރެއިން އެންމެ ގިނަ މައްސަލަ ރިޕޯޓް ކުރެވިފައިވަނީ ވައްކަމުގެ މައްސަލައިގެ 291 މައްސަލައެވެ. މިއާއިއެކު ދެވަނަ އެންމެ ގިނައިން ރިޕޯޓް ކުރެވިފައިވާ މައްސަލައަކީ ޓްރެފިކް އެކްސިޑެންޓްގެ 195 މައްސަލައެވެ.

Advertisement

މީގެ އިތުރުން ބައެއް މައްސަލަތައް:

- މަސްތުވާތަކެތީގެ 159 މައްސަލަ

- ގެއްލިފައިވާ ތަކެތީގެ 148 މައްސަލަ

- މަކަރާއި ހީލަތުގެ 55 މައްސަލަ

- އަނިޔާ ކުރުމުގެ 47 މައްސަލަ

- ފޭރުމުގެ 30 މައްސަލަ

- ޖިންސީ ގޯނާ ކުރުމުގެ 25 މައްސަ؛ަ

- ގެވެށި އަނިޔާގެ 18 މައްސަލަ

- ފޯޖް ކުރުމުގެ 9 މައްސަލަ

މިއަހަރުގެ ޖެނުއަރީ މަހުވެސް އެންމެ ގިނައިން ރިޕޯޓް ކުރެވިފައިވަނީ ވައްކަމުގެ މައްސަލައެވެ. އެގޮތުން ޖަނުއަރީ މަހު 308 ވައްކަމުގެ މައްސަލަ ރިޕޯޓް ކޮށްފައިވެއެވެ.