އިންތިހާބާމެދު ގާސިމް ގޮތެއް ނިންމަވާނީ ރައްޔިތުންނާމެދު ވިސްނަވާފައި: އިމްރާން
ރިޔާސީ އިންތިހާބާމެދު ޖުމްހޫރީ ޕާޓީގެ ފަރާތުން ގާސިމް އިމްރާހިމް ގޮތެއް ނިންމަވާނީ ރައްޔިތުންނާމެދު ވިސްނަވާފައި ކަމަށް ހޯމް މިނިސްޓްރު އިމްރާން އަބްދުﷲ ވިދާޅުވެއްޖެއެވެ.
އިމްރާން މިހެން ވިދާޅުވީ، ކުރިއަށް އޮތް ރިޔާސީ އިންތިޚާބުގައި ޖުމްހޫރީ ޕާޓީ އިން ވާދަ ކުރާނެ ކަމަށް އެޕާޓީގެ އިސް ތަރުޖަމާނު އަލީ ޞާލިޙް ވިދާޅުވުމާ ގުޅިގެންނެވެ.
"ޖުމްހޫރީ ޕާޓީގެ ލީޑަރ ގާސިމް އިބްރާހިމް ރިޔާސީ އިންތިހާބާ މެދު ގޮތެއް ނިންމަވާނީ ގައުމުގެ ހަމަޖެހުމާ ރައްޔިތުންގެ މަސްލަހަތަށް ވަރަށް ބޮޑަށް ވިސްނާވަޑައިގަނެފައި ކަމާމެދު އަޅުގަނޑު ޝަައްކެއް ނުކުރަން" އިމްރާން ވިދާޅުވިއެވެ.
Advertisement
ޖޭޕީގެ ސޯޝަލްމީޑީއާ ގްރޫޕެއްގައި ޢަލީ ޞާލިޙް ވިދާޅުވީ ރިޔާސީ އިންތިޙާބުގައި ޖޭޕީ ވާދަކުރާނެ ކަމަށެވެ.
"ވާދަކުރާނެ ގޮތެއް އަދި ނުނިންމާ، އަދި ވާދަކުރާނީ ވަކިންތޯ ނުވަތަ އެއްކޮއްތޯ ނުވަތަ އެނޫންވެސް ވަކި ގޮތެއް އަދި ނުނިންމާ" އަލީ ޞާލިޙް ވިދާޅުވިއެވެ.
މި އަހަރުގެ ސެޕްޓެމްބަރ މަހު ރިޔާސީ އިންތިޚާބު ބޭއްވުމަށް ހަމަޖެހިފައިވާއިރު ރިޔާސީ އިންތިޚާބު ބޭއްވުމަށް ހަމަޖެހިފައިވާއިރު ވެރިކަން ކުރާ އެމްޑީޕީ އިން ކެންޑިޑެސީ ޔަޤިން ކޮށްފައިވަނީ ރައީސް އިބްރާހިމް މުޙައްމަދު ޞާލިޙްއެވެ. އަދި އެމްޑީޕީ އާއި އެކު ޢަދާލަތު ޕާޓީ އާއި ސަން ސިޔާމް އިސްވެހުންނަވައިގެން ހިންގާ އެމްޑީއޭ އިން ވަނީ ކޯލިޝަން ހަދައިފައެވެ.
އަދި ޕީޕީއެމް ޕީއެންސީ ކޯލިޝަނުން ނިންމާފައިވަނީ ކުރީގެ ރައީސް ޢަބްދުﷲ ޔާމިން ޢަބްދުލްޤައްޔޫމް ރިޔާސީ ކެނޑިޑޭޓެއްގެ ގޮތުގައި ނެރުމަށެވެ.
އަދި ހަމަމިއާއި އެކު މިނިވަން ކެނޑިޑޭޓުންގެ ގޮތުގައި ކުރީގެ ހޯމް މިނިސްޓަރ ޢުމަރް ނަސީރު ވަނީ ވާދަކުރައްވާނެ ކަން އިއްލާނު ކުރައްވައި ކެމްޕޭނުވެސް ފައްޓަވާފައެވެ. އަދި ކުރީގެ ބަންޑާރަ ނައިބް މުޙައްމަދު މުނައްވަރު ވެސް ރިޔާސީ އިންތިޚާބުގައި ވާދަކުރައްވާނެ ކަމަށް އިޢްލާނު ކުރައްވައި ވަނީ ކެމްޕޭނު ފައްޓަވާފައެވެ.
ކާނަލް މުހައްމަދް ނާޒިމް އިސްކޮށް ހުންނަވައި ހިންގާ އެމްއެންޕީ އިން ރިޔާސީ އިންތިޚާބުގައި ކެނޑިޑޭޓޭއްގެ ގޮތުގައި ނުކުންނަވަނީ ކާނަލް ނާޒިމެވެ.
އިންތިޚާބާއި މެދު ގޮތެއް ނިންމާފައިނުވަނީ ޖޭޕީ އިންނެވެ. ޖޭޕީ އިން ބުރަވާނެ ކޮޅަކާއި މެދު މިހާރު ވަނީ ވަރަށް ބޮޑަށް ސުވާލު އުފެދިފައެވެ. ޖޭޕީ ގެ ލީޑަރު ވަނީ ރައީސް ޞާލިޙާއި ވެސް ބައްދަލު ކޮށްފައެވެ. އަދި މިއަދު ޢަދާލަތު ޕާޓީގެ ރައީސް ޢިމްރާން ޢަބްދުﷲ ވެސް ވަނީ ޤާސިމް އާއި ބައްދަލު ކުރައްވާފައެވެ.
ޖޭޕީގެ ކައުންސިލުން މިއަދު ވަނީ ރިޔާސީ އިންތިޚާބާއި މެދު ގޮތެއް ނިންމުމަށް އެޕާޓީގެ ލީޑަރު ޤާސިމް އިބްރާހިމްއަށް ދިނުމަށް ނިންމާފައެވެ.
އިންތިޚާބާއި މެދު ޖޭޕީ އިން ނިންމާނެ ގޮތަކަށް ސިޔާސީ ފަރާތްތަކުން ދަނީ އިންތިޒާރު ކުރަމުންނެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
