ސަރުކާރުގެ ކޯލިޝަންގައި ހިމެނޭ ޖުމްހޫރީ ޕާޓީ (ޖޭޕީ) އިން، ދީނީ ޖަމިއްޔާ އެއް ކަމަށްވާ ޖަމިއްޔަތުއް ސަލަފާއި ބައްދަލު ކޮށްފި އެވެ. 

ޖަމިއްޔަތުއް ސަލަފްގެ އޮފީހުގައި ކުރިއަށްދިޔަ މި ބައްދަލުވުމުގައި ޖުމްހޫރީ ޕާޓީގެ ލީޑަރު ގާސިމް އިބްރާހިމާއި، އެމަނިކުފާނުގެ އެޑްވައިޒަރު އަދި ވިލިމާލެ ދާއިރާގެ ކުރީގެ މެމްބަރު އަޙްމަދު ނިހާން ހުސެއިން މަނިކާއި، ކުރީގެ ހޯމް މިނިސްޓަރ އަޒްލީން އަޙްމަދު ގެ އިތުރުން ޑެޕިއުޓީ ލީޑަރު ލީޑަރު އަމީން އިބްރާހިމް ވެސް ބައިވެރިވެވަޑައިގެންނެވި އެވެ. 

އަދި ޖަމިއްޔަތުއް ސަލަފްގެ ފަރާތުން އެ އެ ޖަމިއްޔާގެ  ރައީސް، ޝެއިޚް އަބްދުالله ބިން މުހައްމަދުގެ އިތުރުން ޝެއިޚު ހަސަން މޫސާ ފިކުރީ އާއި، ޝެއިޚް އަލީ ޒާހިރު އަދި ޝެއިޚް އަހުމަދު ސަމީރު ވަނީ ބައިވެރިވެ ވަޑައިގެންފަ އެވެ. 

މިއީ ކުރިއަށް އޮތް ރިޔާސީ އިންތިހާބާއި ގުޅިގެން މަޝްވަރާ ކުރުމަށް ބޭއްވުނު ބައްދަލުވުމެއް ކަމަށް މައުލޫމާތު ލިބެ އެވެ. 

ޖޭޕީން ޖަމިއްޔަތުއް ސަލަފާއި ބައްދަލު ކޮށްފައި ވާއިރު، މީގެ ކުރިން އެމްއެންޕީގެ އެދުމަށް އެ ޕާޓީގެ އެބޭފުޅުންނާ އެކުވެސް ބައްދަލުވުމެއް ވަނީ ބާއްވާފައެވެ. އަދި އެއަށްފަހު އިދިކޮޅު ޕީޕީއެމްގެ އެދިލެއްވުމަށް އެ ޕާޓީގެ އިސް ބޭފުޅުންނާވެސް ސަލަފުން ވަނީ ބައްދަލުކޮށްފައެވެ.