މޯލްޑިވިއަން ޑިމޮކްރެޓިކް ޕާޓީ(އެމްޑީޕީ) ގެ ދަނގެތި ދާއިރާގެ ރައީސް ޢަބްދުالله ރަޝީދު ރައީސް ކަމުގެ މަޤާމުން އިސްތިއުފާ ދީ ޖުމްހޫރީ ޕާޓީއަށް ސޮއިކޮށްފިއެވެ.
އެމްޑީޕީގެ ޗެއާޕާސަން އަދި އިކޮނޮމިކް މިނިސްޓަރ ފައްޔާޒް އިސްމާއިލަށް އޭނާ ފޮނުއްވި އިސްތިއުފާގެ ސިޓީގައި ވިދާޅުވެފައިވަނީ، އެމްޑީޕީއަކީ ޑިމޮކްރެޓިކް ހަމަތަކާއި އުސޫލުތައް ނަގަހައްޓައި އެހަމަތަކާއި އުސޫލުގެމަތިން މިހާތަނަށް ހިންގަމުންދިޔަ ހަރުދަނާ އެއްބައިވަންތަ ޕާޓީއެއް ކަމަށާއި ނަމަވެސް މިއަދު ޕާޓީތެރެއިން ވަނީ ޑިމޮކްރެޓިކް ހަމަތަކާއި ބީރައްޓެހި ސިފަތަކެއް ފެންނަން ފަށާފައި ކަމަށެވެ.
2023 ވަނަ އަހަރުގެ ރިޔާސީ އިންތިޙާބުގައި ވާދަކުރެއްވުމަށް، އެމްޑީޕގެ ޓިކެޓް ކާމިޔާބު ކުރެއްވި ރައީސް ސޯލިހް ޕްރައިމަރީ ކާމިޔާބު ކުރެއްވުމާއެކު، އާންމު މެމްބަރުންނަށް ދައްކަވަމުން ގެންދެވި ތަސައްވުރަކީ ފުޅާ ކޯލިޝަނެއްގައި ނުކުމެވަޑައިގެން ރިޔާސީ އިންތިހާބު ކާމިޔާބު ކުރައްވާނެކަމުގެ ތަސައްވުރު ކަމަށް ވެސް އިސްތިއުފާގެ ސިޓީގައި ބުނެފައިވެއެވެ.
ނަމަވެސް މިއަދާ ހަމައަށް ހަރުދަނާ ސިޔާސީ ޕާޓީއަކުން އެމްޑީޕީގެ ކެންޑިޑޭޓާއެކު ރިޔާސީ އިންތިޙާބަށް ނުކުންނެވުމަށް ބައިއަތު ހިއްޕަވާފައި ނުވާއިރު، ޕާޓީގެ ގިނަ އަދަދެއްގެ މެމްބަރުން އެޕާޓީން ފެޔަށްޖެހެމުންދާކަން އޭނާ ފާހަގަކޮށްފައިވެއެވެ. އަދި އޭނާ އިސްތިއުފާދިނުމަށް ނިންމީ ކަންކަން އެމަގުން ހުރުމުން ކަމަށް ސީޓީގައި ވެއެވެ.
މަޤާމުން އިސްތިއުފާދީ އެމްޑީޕީ އިން ވަކިވިތާ ގިނަ ދުވަހެއް ނުވެ ޢަބްދުالله ވަނީ ރާއްޖޭގެ ތިންވަނަ އަށް އެންމެ ބޮޑު ޕާޓީއާއި ގުޅިފައެވެ.
މިފަހަކަށް އައިސް އެމްޑީޕީގެ ތެރެއިން މެމްބަރުން އެމްޑީޕީގެ ސިޔާސަތުތަކަށާއި، ޕާޓީ ހިންގަންތިބި ވެރިންނަށް ފާޑު ކިޔުން ވަނީ އިތުރުވެފައެވެ.
Advertisement
This content is created and paid for by advertisers and does not involve Voice Journalists
